«На связи» форумри сӑн

Ҫӗнӗ ҫул ҫывхарни календарь ҫинче кӑна мар, хула урамӗсенче те паллӑ. Шупашкар хулинче Республика тӳремӗнче тӗп чӑрӑша лартма тытӑннӑ.

Республика тӳремӗнчи чӑрӑш – республикӑри чи ҫӳлли, вӑл 25 метр тӑршшӗ. Унӑн тимӗр каркасӗ ҫине 3 пин ытла турат ҫирӗплетеҫҫӗ.

Аса илтерер: ҫак чӑрӑша 2015 ҫулта туяннӑ. Теттесемпе пӗрле кун валли хула хыснинчи 6,6 миллион текне тӑкакланӑ.

Сӑмах май, пӗлтӗр чӑрӑша чӳк уйӑхӗн 19-мӗшӗнче лартма тытӑннӑ. Кӑҫал вара – самай иртерех.

Аса илтерер: Шупашкарти кӳлмекре «Тухья» арт-объекта юпа уйӑхӗн вӗҫӗнчех пуҫтарма тытӑнни пирки унччен сайтра пӗлтернӗччӗ.

#Шупашкар, #чӑрӑш, #уявсем, #Ҫӗнӗ ҫул