Чӑваш академи драма театрӗн сӑнӳкерчӗкӗ

Чӑваш академи драма театрӗн артистки Надежда Воюцкая ӗнер, чӳк уйӑхӗн 25-мӗшӗнче, 65 ҫул тултарнӑ. Ҫавна май театрта раштав уйӑхӗн 7-мӗшӗнче унӑн юбилей каҫӗ иртӗ. Унта «Пӗртен-пӗр шанӑҫ» спектакль кӑтартӗҫ. Спектакльте Надежда Сильвестровна Елена Владимировна ролӗнче вылять.

Надежда Воюцкая 1960 ҫулхи чӳк уйӑхӗн 25-мӗшӗнче Варнар районӗнчи Шинер ялӗнче ҫуралнӑ. 1983 ҫулта М.С. Щепкин ячӗллӗ Аслӑ театр училищинчен (институтӗнчен) вӗренсе тухнӑ та ҫавӑнтанпа Чӑваш академи драма театрӗнче ӗҫлет.

#артистсем, #юбилейсем, #театрсем, #спектакльсем, #культура, #Шинер, #Вӑрнар районӗ