Республика Элтеперӗ Олег Николаев кӑрлачӑн 31-мӗшӗнче ЧР Патшалӑх Канашне янӑ Ҫырура Тӑван ҫӗршывӑн Аслӑ вӑрҫинче ҫӗнтернӗренпе 80 ҫул ҫитнӗ май пӗр хутчен 20 пин тенкӗ пама сӗннӗ.

Ӑна вӑрҫӑ ветеранӗсемпе тӑлӑх арӑмӗсене, сусӑрӗсене, Ленинград блокадине лекнисене, концлагерьте пулнисене лекӗ. Тыл ӗҫченӗсене 5 пин тенкӗ пама сӗннӗ. Вӑрҫӑ ачисене пӗр хутчен паракан тӳлеве вара 5 пин таран ӳстерме каланӑ. Унччен вӑл 2 пин тенкӗпе танлашнӑ.

#Элтепер, #укҫа-тенкӗ, #ветерансем, #Патшалӑх Канашӗ