Инкеклӗ лару-тӑру министерстви тунӑ сӑн

Ӗнер Комсомольскинче аш-какая тирпейлекен «Триумф-Агро» предприятире пушар пулнӑ. Кун пирки пушарнӑйсене ирхи 7 сехетре пӗлтернӗ.

1600 тӑваткал метра яхӑн ангар ҫуннӑ. Унта аш-какая тирпейленӗ. Инкек вӑхӑтӗнче 7 ҫын ӗҫ вырӑнӗнче пулнӑ. Вӗсенчен 6-шӗ хӑйсемех урама тухнӑ. Теприне ҫӑлавҫӑсем илсе тухнӑ.

Пушарта холодильник, 6 тонна аш-какай, 1 тонна тырӑ ҫунса кайнӑ. Цехӑн шалти отделки сиенленнӗ.

Халӗ пушар мӗнрен тухнине тӗпчеҫҫӗ.

#пӑтӑрмахсем, #Комсомольски, #пушарсем, #ҫӑлавҫӑсем, #аш-какай, #тыр-пул