Кандинский нейросеть сӑнӳкерчӗкӗ

Шупашкарта пурӑнакан 62 ҫулти арҫынна унӑн укҫи Украинӑна кайӗ тесе хӑратнӑ. Ултавҫӑсене ӗненсе арҫын темиҫе кредит илсе 2,5 миллион ытла тенке ют ҫынсене куҫарса панӑ.

Шар курнӑ ҫын патне мессенджерсенчен пӗринче СМС-ҫыру ҫитнӗ. Ӑна арҫыннӑн пуҫлӑхӗ ячӗпе ҫырнӑ. Унта пӗлтернӗ тӑрӑх, компанире ӗҫлекенсен даннӑйӗсем ырӑ мар шухӑшлисен аллине лекнине, ҫавна май Федерацин хӑрушсӑрлӑх служби тӗрӗслев пуҫарнине пӗлтернӗ.

Ултавҫӑсем сӗннипе арҫын темиҫе кредит илнӗ та ҫав укҫана паллӑ мар ҫынсене куҫарса панӑ. Ахальлӗн ҫав укҫа Украинӑна кайӗ тесе хӑратнӑ.

#пӑтӑрмахсем, #укҫа-тенкӗ, #Украина, #Шупашкар, #ултавҫӑсем