Сутатӑп Мотоблок валли лентӑллӑ ҫӗрулми кӑлармалли хатӗр сутатӑп. 15 пинпе. Хаклашма юра...
Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...
Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...
Пуш уйӑхӗн 7-мӗшӗнче РСФСР искусствӑсен тава тивӗҫлӗ ӗҫченӗ, РСФСР халӑх артисчӗ Борис Марков ҫуралнӑранпа 100 ҫул ҫитнӗ.
Вӑл хальхи Элӗк муниципаллӑ округӗнчи Хитекушкӑнь ялӗнче 1924 ҫулта ҫуралнӑ. Чӑваш патшалӑх педагогика училищинче скрипкӑпа, гитарӑпа, мандолинӑпа тата балалайкӑпа выялма вӗреннӗ. 1945 ҫулта ӑна ГИТИСӑн Чӑваш актер студийӗн виҫҫӗмӗш курсне вӗренме илнӗ. 1947 ҫулта вӑл Чӑваш академи драма театрне ӗҫе илнӗ. Унта вӑл 1954 ҫулччен тӑрӑшнӑ.
1959 ҫулта Чӑваш академи драма театрӗн тата симфони оркестрӗн никӗсне тӗпе хурса Чӑваш патшалӑх музыкӑпа драма театрӗ (халӗ — Чӑваш патшалӑх оперӑпа балет театрӗ) уҫӑлать. Ӑна пуҫарса яраканни тата пӗрремӗш илемлӗх ертӳҫи Борис Марков пулнӑ. 1960 ҫулта Фёдор Павловӑн «Шыварманьне» лартать. Вӑл — чӑвашсен пӗрремӗш опери.
Борисом Семенович 30 ытла опера, оперетта, музыка камичӗ лартнӑ.
Борис Семенович пурнӑҫран 1977 ҫулхи пуш уйӑхӗн 25-мӗшӗнче уйрӑлса кайнӑ.
Шупашкарта ун ячӗпе урам хисепленет. Вӑл пурӑннӑ Ленин урамӗнчи 14-мӗш ҫурт ҫине асӑну хӑми вырнаҫтарнӑ. 2010 ҫулта Эле тӑрӑхӗнчи Тавӑтри вӑтам шкула ентешӗн ятне панӑ.
Agabazar // 1355.73.9782
2024.03.11 09:13 | |
 |
Каллех ĕçчен? |
Agabazar // 1355.73.9782
2024.03.11 09:14 | |
|
«Шывармань» оперӑна Муркаш таврашӗнчен тухнӑ Фёдор Васильев композитор ҫырнӑ. Либретто авторӗ — Александр Алга поэт. Вӑл оперӑри леш «Утса-чупса пынӑ чухне» текен япалана чылайӑшӗ пӗлеҫҫӗ пуль ӗнтӗ. (Ҫав япала — А. Алган тӑван тӑрӑхӗнчи фольклортан илсе майлаштарнӑскер, унта вӑл, Кӑнна Кушки тарӑхӗнче, паянхи кун та анлӑн сарӑлнӑ темелле; халӑхри кӗвви вара кӑшт урӑхларах чӑннипе; ытти тӗлсенче композитор кӗввипех юрлаҫҫӗ). |
Agabazar // 1355.73.9782
2024.03.11 09:17 | |
|
Мусăк енĕпе театр режиссёрĕ пулма ăçта, хăçан тата кам патĕнче вĕреннине каламалла. |
Agabazar // 1355.73.9782
2024.03.11 09:21 | |
|
Хальхи Чăваш оперăпа балет театрĕ вăл К. В. Иванов ячĕллĕ драма театрĕн тăсăмĕ мар пулĕ. Вĕсем чылай вăхăт пĕр çуртра пулнипе çеç çапла пулса тухнă. |
Agabazar // 1355.73.9782
2024.03.11 09:33 | |
|
Б. Б. Чиндыков тахҫан пӗр тарӑн шухӑш каланӑччӗ. Чӑваш халӑхне (республикине), тен, нимле кунашкал театр та кирлӗ пулман. Культурӑн урӑх енӗсене, халӑха чӑннипех та малалла яраканнисене, аталантармалла тесе шутланӑ вӑл. Анчах та кунта тепӗр ен те пур. Оперӑпа балет ӳнерне вӗренсе тухнӑ чӑвашсен тӑван республикӑра ӗҫлеме май килсе тухнӑ. Таҫти ҫичӗ ютра мар. Тӑван Шупашкарта кунашкал театр пулман пулсан, вӗсен тӗнче касса ҫӳреме тивнӗ пулӗччӗ. Анчах та, куратпӑр ӗнтӗ, хальхи вӑхӑтра ҫак асӑннӑ юлашки ен те сӗвӗрелсе пырать. |
+24.3 °C
