Хӗл хӑҫан ларӗ? Синоптиксем ҫакна пӗлеҫҫӗ ӗнтӗ. Кӗҫех циклон пирӗн патран кайӗ, сивӗ килме тытӑнӗ. Паян ҫӗрле «минус» та пулӗ.

Канмалли кунсем уяр та типӗ ҫанталӑкпа савӑнтарӗҫ. Ҫил те лӑпланӗ. Кӑнтӑрла 1-6 градус ӑшӑ пулӗ. Вырсарникун каллех ҫил вӑйланӗ, каҫ енне ҫумӑр ҫӑвӗ. Тунтикун кӑнтӑрла 5-10 градус ӑшӑ пулӗ.

Юнкун сивӗтӗ, юр ҫукалӗ. Ҫӗр шуралӗ. Эрнекун кӑнтӑрла та «минус» пулӗ. Ҫак кун, чӳкӗн 17-мӗшӗнче, метеорологи хӗлӗ килӗ. Ку – ахаль чухнехинчен икӗ эрне каярах.

#ҫутҫанталӑк, #синоптиксем