Раҫҫейри тӗп банк паянтан ҫӗнӗ 1 пин тата 5 пин тенкӗлӗх укҫасене ҫаврӑнӑша кӑларнӑ. Банк пӗлтернӗ тӑрӑх, вӗсен хӳтӗлев комплексӗ вӑйлӑрах.

1 пин тенкӗлли ҫине Чулхала облаҫне тата Атӑлҫи федераци округне ӳкернӗ. Тӗслӗхрен, ун ҫинче Хусанти Сююмпике башни те пур. 5 пин тенкӗллине Екатеринбурга тата Урал федераци округне халалланӑ.

Банкнотӑсен тӗсӗ унчченхисем евӗрех. 1 пин тенкӗлли бирюза тӗслӗ, 5 пинли вара - хӗрлӗ.

#Раҫҫейре, #укҫа-тенкӗ