Куславкка районӗнчи пӗр ялта пурӑнакан арҫын пушарта вилнӗ.

Инкеклӗ лару-тӑру министерствин Чӑваш Енри управленийӗнче пӗлтернӗ тӑрӑх, инкек ӗнер, нарӑс уйӑхӗн 12-мӗшӗнче, каҫхине пулса иртнӗ. Куславкка районӗнчи Паланкасси ялӗнче 55 ҫулти арҫын йывӑҫ пӳртре пӗчченех пурӑннӑ. Килӗнче унӑн ҫутӑ та, газ та пулман. Пӳрте вӑл кӑмака хутса ӑшӑтса пурӑннӑ.

Пушара сӳнтерме виҫӗ техника пырса ҫитнӗ. Ҫапах та йывӑҫ пӳрт пурӑнма юрӑхсӑра тухнӑ, кил хуҫи вара вилнӗ.

#пушарсем, #инкексем, #Куславкка районӗ, #Паланкасси