forum.zarulem.ws сӑнӳкерчӗкӗ

Паян, кӑрлач уйӑхӗн 20-мӗшӗнче, Кӳкеҫре ҫул-йӗр ҫинчи инкек вӑхӑтӗнче 5 ҫын аманнӑ.

«КамАЗ» автомобиль «Лексус» ҫӑмӑл машина ҫине пырса кӗнӗ.

Ҫул ҫинчи пӑтӑрмах паян 10 сехет те 30 минутра пулнӑ. Ун вӑхӑтӗнче 5 ҫын шар курнӑ: икӗ ҫын тата виҫӗ ача. Вӗсем пурте ҫӑмӑл машинӑра ларса пынӑ. Аманнӑскерсене больницӑна ӑсатнӑ.

Инкекчен кӑшт маларах пӑрлӑ ҫумӑр ҫуса иртнӗ. Пӑтӑрмах ҫавӑнпа та ҫыхӑнма пултарнӑ. Инкек сӑлтавне специалистсем палӑртӗҫ.

#ҫул-йӗр, #пӑтӑрмахсем, #машинӑсем, #Кӳкеҫ, #сывлӑх