ҪҪХПИ тунӑ сӑн

Ҫӗрпӳре лавкка вӑррисене ӑнсӑртран тытса чарнӑ. Ҫӗнӗ ҫул каҫхине ҫул-йӗр инспекторӗсем ҫул урлӑ правилӑсене пӑсса каҫакан икӗ арҫынна асӑрханӑ. Ҫитменнине, вӗсем ӳсӗр пулнӑ.

Хайхи арҫынсем - Шупашкартан тата Ҫӗнӗ Шупашкартан. Вӗсен кутамккинче апат-ҫимӗҫ, эрех пулнӑ.

Каярахпа ҫакна палӑртнӑ: 20-ри тата 34 ҫулти арҫынсем апат-ҫимӗҫе Ҫӗрпӳри супермаркетран вӑрланӑ. Пӗтӗмпе - 2 пин тенке яхӑн.

Ҫак арҫынсем Шупашкарти лавккасенчен те вӑрланӑ тесе шухӑшлаҫҫӗ. Вӗсен тӗлӗшпе пуҫиле ӗҫ пуҫарнӑ.

#Ҫӗрпӳ, #вӑрӑсем, #Шупашкар, #Ҫӗнӗ Шупашкар