somanyhorses.ru сӑнӳкерчӗкӗ

Шупашкарта суя правапа ҫула тухнӑ арҫынна тытса чарнӑ.

Патшалӑхӑн ҫул-йӗр хӑрушсӑрлӑхӗн инспекцийӗн ӗҫченӗсем авӑн уйӑхӗн 29-мӗшӗнче хулари Ашмарин урамӗнчи 85-мӗш ҫурт тӗлӗнче «Ford Focus» автомобиле чарнӑ. 33 ҫулти арҫыннӑн водитель удостоворенийӗ суя пулнӑ. Вӑл тунса тӑман — тӗнче тетелӗнче 20 пин тенкӗпе права туяннине йышӑннӑ. Хӑйӗн вара водитель прави нихӑҫан та пулман-мӗн.

Суя правапа ҫӳренӗ арҫын тӗлӗшпе пуҫиле ӗҫ пуҫарнӑ.

#яваплӑх, #пӑтармахсем, #машинӑсем, #водительсем, #ШӖМ