rsnadzor21.rchuv.ru сӑнӳкерчӗкӗ

Шупашкар районӗнче таса мар шыва юханшыва юхтарса вырттарнӑ.

Россельхознадзорӑн вырӑнти управленийӗн тата республикӑн Ҫутҫанталӑк ресурсӗсен тата экологи министерствин ӗҫченӗсем палӑртнӑ тӑрӑх, Шӗнерпуҫӗнчи нумай хваттерлӗ икӗ ҫуртран юхса тухакан каяш шывӗ канализаци пӑрӑхӗпе ҫырмари юханшыва кайнӑ. Таса мар шыва тасатса тӑрассине вырӑнта никам та йӗркелемен.

Таса мар шыв юхмалли канализаци пӑрӑхне ял хуҫалӑх тӗллевӗллӗ ҫӗр ҫине хунӑ. Ҫӗрӗн те, канализаци пӑрӑхӗн те хуҫи ҫук иккен.

Халӗ ҫав пӑтӑрмаха яваплисен татса пама тивет.

#Россельхознадзор, #ҫутҫанталӑк, #экологи, #пӑтӑрмахсем, #Шупашкар районӗ, #тӗрӗслевсем