Тарасова Нина Васильевна тӑватӑ кун каялла велосипедпа кайнӑ та ҫухалнӑ. Ӑна полицейскисем, «Лиза Алерт» шыравпа ҫӑлав отрячӗн хастарӗсем шыраҫҫӗ.

Нина 20 ҫулта кӑна-ха. Вӑл ҫу уйӑхӗн 25-мӗшӗнче Шупашкар районӗнчи Тимӗрҫырма ялӗнчен, килтен, тухса кайнӑ. Вӑл велосипедпа пулнӑ. Ӑҫталла кайнӑ вӑл? Паллӑ мар, никам та пӗлмест.

Хӗрӗн ҫӳҫӗ вӑрӑм та хура, куҫӗ хӑмӑр. Тухса кайнӑ кун хура футболка, хура шортик тӑхӑннӑ пулнӑ. Ун пирки мӗн те пулин пӗлсен 8(835-40) 2-15-52, 102, 8(800) 700-54-52, 112 е 89196699991 номерсемпе шӑнкӑравлама ыйтаҫҫӗ.

#шыравсем, #Тимӗрҫырма, #Шупашкар районӗ, #полицейскисем