Ака уйӑхӗн 23-мӗшӗнче пӗрисем банк офисӗнчен тухакан ҫыннӑн укҫине туртса илнӗ. Пӑтӑрмах 14 сехет те 50 минут тӗлӗнче пулса иртнӗ. Шар курнӑ арҫын йӗрке хуралҫисене ӗнентернӗ тӑрӑх, йӑлтах кӗтмен ҫӗртен пулса иртнӗ.

Перекет банкӗн Ленин проспектӗнчи 28-мӗш ҫуртӗнчи офисӗнчен (вӑл «Мир Луксор» кинотеатра хирӗҫ вырнаҫнӑ) тухакан арҫыннӑн 42 пин тенкине хӗрарӑмпа арҫын туртса илнӗ те сиккипе тарнӑ. Арҫын хыҫран хӑваланӑ-ха, анчах лешсем 44-мӗш маршрутпа ҫӳрекен транспорта кӗрсе ларса Николаев чарӑнӑвӗ енне кайнӑ.

#ШӖМ, #Шупашкар, #пӑтӑрмахсем, #вӑрӑсем, #укҫа-тенкӗ