Ҫу уйӑхӗн 29-мӗшӗнче Ҫӗрпӳ хулинче пурӑнакан 61 ҫулти арҫын пулла кайнӑ. Анчах вӑл киле таврӑнман, ҫухалнӑ. Тӑванӗсем вӑл ӑҫта иккенне пӗлмен, унран темиҫе кун сас-хура пулман. Кун пирки вӗсем йӗрке хуралӗн оганӗсене пӗлтернӗ.

Шел те, арҫын чӗрӗ мар. ЧР Следстви комитечӗн Чӑваш Енри следстви управленийӗ пӗлтернӗ тӑрӑх, арҫын виллине Кӗҫӗн Ҫавалта тупнӑ. Асӑннӑ ведомствӑн пресс-служби ку пулӑм тӗлӗшпе тӗрӗслев ирттернине хыпарлать. Следовательсен арҫын мӗншӗн вилнине уҫӑмлатма тивӗ.

#пӑтӑрмахсем, #Ҫӗрпӳ, #Кӗҫӗн Ҫавал, #Следстви комитечӗ