Сутатӑп Уйăхри пăру сутатăп.Хакĕ килĕшсе татăлнипе.
Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...
Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...
Чӑваш пурнӑҫӗнче ял-йышпа пухӑнса ирттерекен йӑла-йӗрке чылай. Вӗсене пирӗн асаттесем уявланӑ, хальхи вӑхӑтра вара атте-аннесем ҫуркунне, ҫулла, хӗлле е кӗркунне ялан пӗр вӑхӑта пӑхӑнса ирттереҫҫӗ.
Кашни уявӑнах авалтан килекен хӑйне евӗр пӗлтерӗшӗ, сӑмахлӑхӗ, юрри-ташши, илемӗ пур. Ҫӑварни уявӗнче сив хӗле ӑсататпӑр, ҫуркуннене, ҫуллана кӗтсе илмелли шухӑш-туйӑма палӑртатпӑр. Ҫӑварни юрри-такмакӗ ҫӗр ӗҫӗпе те тачӑ ҫыхӑннӑ. Ку уява хирти ӗҫсене хӑвӑрт, вӑр-вар пуҫтармалла пултӑр тесе ирттереҫҫӗ.
Красноармейски районӗнчи Упи шкулӗн ачисем те ҫав йӑласене ирттереҫҫӗ — нарӑсӑн 16-мӗшӗнче вӗсем «Ҫӑварни уявне» паллӑ тунӑ. Унта 5-7 класс ачисем хутшӑннӑ.
Ҫӑварни — пысӑк та савӑнӑҫлӑ уяв. Ӑна ӗлӗк-авалхи Италири шавлӑ карнавалсенчен пуҫланнӑ теҫҫӗ. Ҫӑварни кунӗсене Мӑнкун умӗнхи типпе кӗриччен 8 кун маларах (пӗр вырсарникунтан пуҫласа тепӗр вырсарникунччен) уявлаҫҫӗ. Ку уяв кашни ҫул пӗр вӑхӑтра килмест, вӑл Мӑнкун хӑҫан пулассипе тачӑ ҫыхӑннӑ.
Ҫӑварни пуҫламӑшӗ — Аслӑ ҫӑварни. Кӑҫалхи календарьпе аслӑ ҫӑварни нарӑсӑн 12-мӗшӗнче пулчӗ, вӗҫӗ — Кӗҫӗн ҫӑварни. Вӑл нарӑсӑн 18-мӗшӗнче пулать.
Кӗҫӗн ҫӑварнире ҫамрӑксем пӗтӗм вӑйпа каттачи чупнӑ. Эрнипех ял-йыш савӑннӑ, ваттисем кӳршӗсемпе пӗрле киленнӗ, ача-пӑча йӗлтӗр-ҫунашкапа ярӑннӑ. Тӑвайккинчен чи малтан ярӑнса анаканӑн ҫуни инҫе каймасан акнӑ кантӑр, йӗтӗн лутра пулать имӗш, инҫе ярӑнса кайсан — вӑрӑм пулать теҫҫӗ.
Ҫавӑн пекех Ҫӑварни уявӗнче улӑмран ҫӑварни карчӑкӗ туса ӑна сӑрт ҫине лартнӑ, кайран ҫунтарса янӑ. Вут хывса ун урлӑ сиксе ырӑ- усалсенчен, чир-чӗртен тасалнӑ. Ҫӑварни кӑвайчӗ вӑйлӑ ҫунсан ҫуркунне час пулать, ҫу ӑшӑ пулать теҫҫӗ. Хӑш ялсен ҫӑварни кӑвайчӗ пысӑкрах пулать, ҫавсен тырри-пулли ӑнса пулать теҫҫӗ.
Ачасем сӑвӑ каларӗҫ, ҫавӑн пекех ҫӑварни юррине юрларӗҫ.
Малалла ӑмӑрту иртрӗ. Ачасем ҫунашкапа тупӑшрӗҫ, йӗлтӗрпе ярӑнса та пултарулӑха кӑтартрӗҫ. Ҫӑпата ывӑтасси те ачасене тыткӑнларӗ… Чир-чӗртен тасалма ҫӑварни карчӑкне ҫунтартӑмӑр. Хӗр ачасем ҫӳҫеллӗ тутӑрсем ҫыхса килни уява капӑрлатрӗ. Уявӑн пӗлтерӗшӗ пысӑк. Вӗсем этеме унӑн ҫутҫанталӑкри вырӑнне ӑнланма, ҫамрӑксене ҫӗр ӗҫӗпе, выльӑх-чӗрлӗх пӑхса ӳстерес ӗҫпе паллаштарма, чир-чӗртен упранма, ӑру йӑх тӑсма пулӑшаҫҫӗ.
Упири пӗтӗмӗшле пӗлӳ паракан вӑтам шкулта Ҫӑварни уявӗ ӑнӑҫлӑ иртрӗ. Вӑйӑ-кулӑпа, юрӑ-ташӑпа савӑнни ачасен асӗнче нумайччен юлӗ.
+2.3 °C
