Ака уйӑхӗн пуҫламӑшӗнче пирӗн сайт ҫак хыпарсемпе паллаштарчӗ (малтанхи пекех чи нумай пӑхни тӑрӑх вырнаҫтарнӑ):

• Альбина Юратуна министерство мӗнле хурав панине каласа патӑмӑр;

• Чӑваш Енри журналистсем хӑйсене ирӗклӗ е ирӗксӗр туйнине пӗлтертӗмӗр;

• Ачасене воспитани паракан хӗрарӑм митинга тухсан мӗн ҫухатма пултарни ҫинчен систертӗмӗр;

• «ЮТВ» телеканала «Роскомнадзор»-тан мӗншӗн сӑмах лекнине уҫса патӑмӑр;

• Дмитрий Медведев чӑваш тӑрахне мӑн валли укҫа уйӑрманни ҫинчен каласа патӑмӑр;

• Федераци театрӗсем пирӗн тӑрӑха мӗнле сӑлтава пула айккинчен иртсе кайнине пӗлме пултартӑр;

• Тӗмен облаҫӗнче мӗнле семинар чӑвашла иртни пирки пӗлейрӗр;

• Константин Яковлев министр мӗнле ҫӗнӗ картина туянни пирки хыпарларӑмӑр;

• «Раҫҫей мисӗ» конкурса миҫе чӑваш хӗрӗ каясси пирки каласа патӑмӑр;

• Улатимӗр облаҫӗнчи Камешково районӗнче пирӗн тӑрӑхри автобус мӗне пула кювета чӑмнине пӗлме пултартӑр.

Ку эрнере эпир ҫавӑн пекех Транспорт министрӗ мӗнле хӑйӗн сӑмахне тытни пирки, правительство ҫуртӗнчи саунӑшӑн кам явап тытасси ҫинчен, наци телекуравӗн черетлӗ конкурсӗ пирки, покерла нумай укҫа выляса илнӗ ҫынна федераци шайӗнче шырава яни ҫинчен тата Ҫӗрпӳри 1-мӗш шкула чӑваш чӗлхи тавра калаҫу йӗркелени пирки хыпарларӑмӑр.

Эрнене пӗтӗмлетсе вара ку хутӗнчен ӑна «Питӗрти теракт тата чӑвашла семинарсен» ят парас терӗмӗр.

#Улатимӗр облаҫӗ, #пӑтӑрмахсем, #МИХсем, #тӗрӗслевсем, #хуравсем, #ҫырусем, #культура, #вӗренӳ, #чӑваш чӗлхи, #Тӗмен облаҫӗ, #Ҫӗрпӳ, #митингсем, #Питӗр, #чӑвашлӑх, #конкурссем