Сайта кӗр | Регистраци | Сайта кӗрсен унпа туллин усӑ курма пулӗ
 +11.0 °C
Шӗшкӗ авмасӑр мӑйӑр татаймӑн.
[ваттисен сӑмахӗ]
 

Ҫурт-йӗр: Амӑшӗн ӑшшине туйманскер ӑшӑ хваттер те кураймасть

Пулӑшу (Услуги) Сварка тата сантехника ӗҫӗпе пулӑшатӑп. Хакӗ — килӗшсе татӑлнипе.
Сутатӑп Пӑрамланӑ качака путеккисемпе пӗрле сутатӑп.
Паллашу Чиркӗве ҫӳрекен каччӑпа паллашатӑп. Хам ҫинчен: 38 ҫулта. Мускавра хваттер пур, ...
Софья Савнеш 03.04.2017 07:12 | 412 хут пӑхнӑ
Харпӑр шухӑш Ҫурт-йӗр

Патшалӑх тӑлӑхсене хваттер парать. Анчах ашшӗ-амӑшӗн хӳттисӗр юлнӑ хӑш-пӗр тӑлӑхӑн ӑна илес тесе самаях чупма тивет. Республикӑри хӑш-пӗр ялта ҫывӑх ҫыннисен ӑшшисӗр тӑрса юлнӑ ҫамрӑксене хӑлтӑр-халтӑр ҫуртра кӗтес панӑ тӗслӗх пӗрре мар пулнӑ.

Нумаях пулмасть Элӗк тӑрӑхӗнче пулма тӳр килчӗ. Сарӑ-хӗрлӗ тӗслӗ панель ҫурт таҫтанах курӑнса ларать. Ҫӗнӗ вӑл. Пӗлтӗр унта 5 тӑлӑх валли кӗтес уйӑрса панӑ. Пӗрне пӗрремӗш хутра лекнӗ. Шӑпах ҫав хваттерте пулса курма тӳр килчӗ те.

Кашни хваттерте ӑшӑтмалли газ колонки пур. Унашкалли лайӑх-ха, халӗ ҫынсем шӑпах ҫавӑн пеккине туянма тӑрӑшаҫҫӗ. Анчах ку хваттерте ним савӑнмалли те ҫук. Хӗлле шӑнса вилмелле. Ӑшӑ радиаторӗ ҫумне хушма секцисем лартсан та сивӗ. Урайӗнче урана сивӗ ҫапать. Ара, аялта путвал-ҫке-ха. Ҫурта сивӗ шыв ҫеҫ кӗнӗрен унта ӑшӑ пӑрӑхӗсем ҫук. Эппин, путвал нимӗнпе те ӑшӑнмасть. Нӳрӗ пулнӑран вӗр ҫӗнӗ обойсем хӑмпӑланнӑ. Туалетпа ваннӑйне кӗрсен сивӗ пулнипе шӑл шаккама тытӑнатӑн. Унта — урамри пекех, вентиляцирен вӗрет. Ваннӑйра епле ҫӑвӑнмалла капла? Ҫитменнине, ҫак хваттере тивӗҫнӗ тӑлӑх хӗрӗн ачисем пӗчӗк.

Кӑҫал шартлама сивӗ тӑчӗ. Хваттерте чӑтма ҫук сивӗ хуҫаланни каламасӑрах паллӑ. Ачасене тумтирпех ҫывӑратнӑ вӗсем. Хӑйсем те ҫире тума хывмасӑрах сивӗ кравать ҫине выртнӑ. Хваттере кӑштах та пулин ӑшӑтас тесе ҫемье электричество кӑмаки ҫутса пурӑннӑ. Чӗрне хури чухлӗ те пулин ӑшӑннӑ-ха, анчах электричествӑшӑн укҫа самаях тӳлеме тивнӗ — 1500–2000 тенкӗ.

Кам патне кайса ҫӑхав ҫырмалла? Камран пулӑшу ыйтмалла? «Сана хваттер панӑ, тата мӗн кирлӗ?» — тейӗҫ те алӑ сулӗҫ. Ирӗксӗрех мӗн пуррипе ҫырлахма тивет тӑлӑх ӳснӗ ҫамрӑкӑн.

Паллах, ку ҫуртра тӑлӑхсем ҫеҫ пурӑнмаҫҫӗ. Эпӗ ӑнланнӑ тӑрӑх, хальлӗхе чылай хваттер пушӑ. Ҫынсем каланӑ тӑрӑх, ҫӳлти хутра пурӑнакан тӑлӑхсем те хваттерте сивӗ пулнипе нушаланаҫҫӗ. Пурнӑҫра ахаль те асапне чылай тӳснӗ тӑлӑха мӗншӗн ҫапла кӳрентермелле-ши? Амӑшӗн ӑшшине те туйса курманскер ӑшӑ хваттер те кураймасть.

#Элӗк районӗ, #ҫемье, #тӑлӑхсем, #ӑшӑ, #ҫурт-йӗр

 

Ҫавӑн пекех пӑхӑр

Тӑлӑха хваттер памаллах
2016, 12, 18
Уҫырмасем ҫӗнӗ хваттере куҫнӑ
2017, 01, 08
Тӑлӑха хваттер пама шантарнӑ та...
2017, 01, 25
Шупашкарти 9 пин ытла ҫын ӑшӑсӑр тӑрса юлнӑ
2017, 01, 26
49 тӑлӑха хваттер парӗҫ
2017, 02, 05

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__http://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Радио (30.04.2017)

07:20
 
Чĕрĕлĕх çути (12+)
08:20
 
Чунра юрă шăрансан (12+)
09:20
 
Шурăмпуç (12+)
10:00
 
Çичĕ юрă (12+)
11:30
 
Çамрăк хунав (6+)
12:00
 
Чĕререн тухакан сăмахсем (12+)
13:00
 
Чĕререн тухакан сăмахсем (12+)
14:00
 
Чĕререн тухакан сăмахсем (12+)
15:00
 
Чĕнтĕрлĕ чаршав (12+)
16:20
 
Кулăш лаççи (12+)
16:40
 
Голос Республики (12+)
17:00
 
Не формат (12+)
18:00
 
Иксĕлми çăлкуçсем (12+)
19:00
 
Янра, юрă! (12+)
20:10
 
Каçхи микс (12+)
21:10
 
Каçхи микс (12+)
22:10
 
Юрă вăчăри (12+)
23:00
 
Юрă вăчăри (12+)

Баннерсем

 
Сайт пирки | Пулӑшу | Статистика
(c) 2005-2017 Chuvash.Org | МИХ пек регистрациленӗ свидетельство номерӗ: 2017 ҫулхи нарӑсӑн 3-мӗшӗнче алӑ пуснӑ ЭЛ № ФС 77 - 68592. Свидетельствӑна Ҫыхӑну, информаци технологийӗ тата массӑллӑ коммуникаци сферине тӗрӗслесе тӑракан федераллӑ служба (Роскомнадзор) панӑ.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org