Сайта кӗр | Регистраци | Сайта кӗрсен унпа туллин усӑ курма пулӗ
 +1.0 °C
Пӗччен пыл ҫиме аван, йышпа ӗҫ тума аван.
[ваттисен сӑмахӗ]
 

Культура: Профессор 75 тултарнине халалласа юбилей каҫӗ иртӗ

Сутатӑп Керамблок сутатӑп. 20х20х40 хакӗ — 31 тенкӗ. Илсе ҫитеретпӗр.
Сутатӑп Шупашкартан М7 трасса çумĕнчен 30 çухрăмра Ярапайкасси тăрăхĕнче кирпĕрен купаланă çурт, хуçалăх тата 250 тăваткал метр усă курмалли çĕр сутатăп. Çĕр çинче улма-йывăç та лартнă. Çумра шкул, ФАП, ача пахчи, 4 суту лаввки тата культура çурчĕ. Çурта газпа тата шывпа тивĕçтернĕ. Сăнÿкерчĕксем: - https://87.img.avito.st/640x480/3351693387.jpg - https://87.img.avito.st/640x480/3351693787.jpg - https://38.img.avito.st/640x480/3351693738.jpg
Пулӑшу (Услуги) Туртӑнтарнӑ мачча тума пулӑшатӑп. Пӗр кун хушшинче!
Аçтахар Плотников 14.02.2017 14:44 | 93 хут пӑхнӑ
Культура

Пурӑннӑ пулсан, иртнӗ эрнекун, нарӑсӑн 10-мӗшӗнче, Фёдоров Георгий Иосифович профессор 75 ҫул тултармалаччӗ. Шел те, ҫак куна ҫити вӑл пурӑнса ҫитереймерӗ, виҫӗмҫул пирӗнтен яланлӑхах уйрӑлса кайрӗ. Паллӑ ӑсчаха, пултаруллӑ ҫыравҫа халалласа наци вулавӑшӗнче ыран, нарӑсӑн 15-мӗшӗнче, юбилей каҫӗ иртӗ. Вӑл 14 сехетре пуҫланӗ.

Юбилей каҫӗнче Георгий Фёдоров профессорӑн пултарулӑхне хак пама ӑслӑлӑх ҫыннисем, ҫыравҫӑсем, тӑванӗсем пухӑнӗҫ. Мероприятире ҫавӑн пекех «Чӑваш фразеологийӗн ӑнлантаруллӑ сӑмах кӗнеки» словарьне пахалӗҫ тата авторне хӑйне халалланӑ асаилӳсен кӗнекипе паллаштарӗҫ.

Федоров Георгий Иосифович 1942 ҫулхи нарӑсӑн 10-мӗшӗнче Ҫӗмӗрле районне кӗрекен Патаккасси (халӗ Тӑванкасси) ялта ҫуралнӑ. Тӑванкассинчи ҫичӗ ҫул вӗренмелли шкулта ӑс пухнӑ хыҫҫӑн И.Я. Яковлев ячӗллӗ Чӑваш патшалӑх педагогика институтӗнче аслӑ пӗлӳ илнӗ. Георгий Иосифович ӑслӑлӑхра та, илемлӗ литературӑра та, ӳнерте те палӑрнӑ ҫын. Ӑслӑлӑх енӗпе вӑл илемлӗ литературӑна тӗпченӗ, чылай кӗнеке пичетлесе кӑларнӑ. Ҫыравҫӑ ӑсталӑхне илес пулсан, чи малтан унӑн «Рондо» сӑвӑ кӗнекине тата «Ай, мӑнтарӑн, хир мулкачи» повеҫне асӑнма пулать. Георгий Иосифович кӗвӗ те сахал мар кӗвӗленӗ. Чӑваш Республикин патшалӑх премийӗн лауреачӗ, тава тивӗҫлӗ ӑслӑлӑх ӗҫченӗ, филологи ӑслӑхӗсен докторӗ, пултаруллӑ ҫыравҫӑ пирӗнтен 2015 ҫулхи раштавӑн 9-мӗшӗнче уйрӑлса кайнӑ.

#ӑслӑлӑх, #наци вулавӑшӗ, #юбилейсем, #культура, #хӑтлавсем, #кӗнекесем

 

Ҫавӑн пекех пӑхӑр

Гуманитари институчӗ виҫӗ кӗнеке хӑтлӗ
2016, 04, 13
Ытларах тапӑртатма сӗнчӗҫ
2016, 04, 28
Аслатиллӗ ҫумӑр витӗр
2016, 05, 25
Эдисон Патмарӑн «Нӳхрепри миллионерӗ» ҫутта тухнӑ
2016, 09, 09
Чиндыковӑн «Вӑрман ачисем» йыш хушнӑ
2016, 11, 29
Orphus

Радио (23.02.2017)

17:20
 
Ачалăх урхамахĕ (6+)
18:00
 
Юрă вăчăри (12+)
18:20
 
Наследие (12+)
19:00
 
Юрă вăчăри (12+)
19:20
 
Тухтар канашĕ (12+)
20:00
 
Юрă вăчăри (12+)
20:20
 
Çичĕ юрă (12+)
21:00
 
Çичĕ юрă (12+)
22:00
 
Юрă вăчăри (12+)
23:00
 
Юрă вăчăри (12+)

Баннерсем

 
Сайт пирки | Пулӑшу | Статистика
(c) 2005-2010 Chuvash.Org | Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: p-code(a)mail.ru