Акан 14-мӗшӗнче И.Н. Ульянов ячӗллӗ Чӑваш патшалӑх университечӗн Чӑваш филологийӗпе культура факультечӗ республикӑри тата тулай чӑваш ачисем валли «Ӑслӑлӑхри пӗрремӗш утӑмсем — 2» ятпа наукӑпа практика конференцийӗ ирттерет. Унта шкулсенче 9-11 класра вӗренекенсем хутшанма пултараҫҫӗ.

Секцисем:

● Чӑваш литература пӗлӗвӗн тӗнчи

● Чӑваш чӗлхи пӗлӗвӗ

● Тӑван ен культури

● Культура Чувашии: история и современность (культурологи уйрӑмне килме кӑмӑл тӑвакан ачасем валли, вырӑсла)

Ятарлӑ комисси ӗҫсене дипломсемпе хаклӗ. Хутшӑнма кӑмӑл пулсан ҫитес вӑхӑтра факультет сайтне кӗрсе е шӑнкӑравласа пӗлтермелле. Хӑвӑр тата вӗрентекенӗн хушаматне, ятне, ашшӗ ятне, шкул ятне, доклад темине туллин кӑтартмалла. Ӗҫсене пичетлетлӗҫ. Доклад тезисӗн электронлӑ вариантне ҫав кунах илсе килмелле, калӑпӑшӗ 1 стр.

Васкӑр! Кӗтеҫҫӗ! Заявкӑсене акан 12-мӗшӗччен йышӑнаҫҫӗ.

Адрес: Чӑваш республики, Шупашкар хули, Университет урамӗ, 38. Хутшӑнмалли byҫtcfc: 8 (8352) 45-03-37. E-mail: chuvfil@chuvsu.ru; galiil69@mail.ru (Ильина Галина Геннадьевна — СНО ертӳҫи).

#Чӑваш филологийӗпе культура факультечӗ, #Чӑваш патшалӑх университечӗ, #конкурссем, #ӑмӑртусем