Сайта кӗр | Регистраци | Сайта кӗрсен унпа туллин усӑ курма пулӗ
 -3.0 °C
Вӗренни йӑтса ҫӳрес ҫӗклем мар.
[ваттисен сӑмахӗ]
 

Чӑваш чӗлхи: Чӑваш чӗлхи комиссийӗн черетлӗ ларӑвӗ

Сутатӑп Керамблок сутатӑп. 20х20х40 хакӗ — 31 тенкӗ. Илсе ҫитеретпӗр.
Сутатӑп Шупашкартан М7 трасса çумĕнчен 30 çухрăмра Ярапайкасси тăрăхĕнче кирпĕрен купаланă çурт, хуçалăх тата 250 тăваткал метр усă курмалли çĕр сутатăп. Çĕр çинче улма-йывăç та лартнă. Çумра шкул, ФАП, ача пахчи, 4 суту лаввки тата культура çурчĕ. Çурта газпа тата шывпа тивĕçтернĕ. Сăнÿкерчĕксем: - https://87.img.avito.st/640x480/3351693387.jpg - https://87.img.avito.st/640x480/3351693787.jpg - https://38.img.avito.st/640x480/3351693738.jpg
Пулӑшу (Услуги) Туртӑнтарнӑ мачча тума пулӑшатӑп. Пӗр кун хушшинче!
Аçтахар Плотников 09.06.2016 21:28 | 476 хут пӑхнӑ
Чӑваш чӗлхи

Паян Чӑваш чӗлхин пӗрлехи комиссийӗн черетлӗ ларӑвӗ иртрӗ. Чӑваш Республикинчи ӗҫ тӑвакан влаҫӑн чӑваш чӗлхине малалла аталантарас тата лайӑхлатса пырас ыйтусене татса памашкӑн пӗрле килӗштерсе ӗҫлемелли орган шутланакан пӗрлӗх Вӗренӳ министерствин лару пӳлӗмӗнче пухӑнчӗ.

Пурӗ икӗ ыйту пӑхса тухрӗҫ — комисси ҫумӗнчи орфографи ушкӑнӗ йышӑннӑ проекта пӑхса тухасси тата Шупашкар хулинчи тӗрлӗ палӑксем ҫине икӗ чӗлхепе ҫырнисене тишкересси.

Чи хӗрӳ калаҫу пӗрремӗш ыйту ҫуратрӗ. Пӗрисене халиччен уйрӑм ҫырма сӗнекен сӑмахсене пӗрле ҫырма йышӑнни килӗшмерӗ, теприсене — 1990-мӗш ҫулсенче йышӑннӑ правилӑччен пӗрле ҫырма хӑнӑхнӑ сӑмахсене уйрӑм ҫырма сӗнни. Ҫавах та орфографи комиссийӗ йышӑннӑ проектӑн никӗсне чӗлхе комиссийӗн ытларах пайӗ ырлас терӗ. Комисси пайташӗсем тӑратнӑ сӗнӳсене те пӑхса тухрӗҫ, вӗсене ытларах пайӗпе йышӑнас терӗҫ: 75§ уйрӑмах тавлашу ҫуратакан тӗслӗхсене (утмӑл турат, чӑрӑш тӑрри) кӑларса пӑрахас терӗҫ (вӗсене мӗнле ҫырмаллине тӗплӗ тӗпчев туса йышӑнас терӗҫ); 73-мӗш параграфри 3-мӗш пунктри тӗслӗхсене улӑштарма йышӑнчӗҫ (ООН вырӑнне тахҫанах ПНО тесе ҫырма пуҫланӑ; ГИТИС вара ытла кивӗ тӗслӗх); 74-меш параграфӑн 5-мӗш пайӗнче дефиспа ҫырмалли татӑксен йышне -тӑк (-тӗк) кӗртме пулчӗҫ.

Иккӗмӗш ыйтура Шупашкарти палӑксене тишкерчӗҫ. Тӗслӗхрен, Андриян Николаев палӑкӗ ҫинче халӗ те вырӑсла кӑна ҫырнӑ. Ҫавнашкал тӗслӗхсене пухса хула администрацине чӗлхе комиссийӗ ячӗпе ҫыру ҫырма йышӑнчӗҫ. Халӗ вырнаҫтаракан Иккӗмӗш Катӗрне патшан палӑкӗ ҫине те икӗ чӗлхепе ҫырса хурассине тӗрӗслеме сӗнчӗҫ.

#чӑваш чӗлхи, #чӑваш чӗлхи комиссийӗ, #ларусем, #палӑксем, #орфографи

 

Orphus

Радио (27.02.2017)

21:00
 
Новости (12+)
21:10
 
Чалт кăна (12+)
22:00
 
Хыпарсем (12+)
22:10
 
Юрă вăчăри (12+)
23:00
 
Новости (12+)
23:10
 
Юрă вăчăри (12+)

Баннерсем

 
Сайт пирки | Пулӑшу | Статистика
(c) 2005-2010 Chuvash.Org | Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: p-code(a)mail.ru