Каçарсам
Хамах пуль пултăм айăплă, савниçĕм.
Тен, пĕлеймерĕм юратма, каçар!
Пултараймарăм тивертме, тен, çиçĕм
Сан чĕрӳне... каçар мана, каçар!
Каçар мана ытла йăваш пулнишĕн.
Тен, уçаймарăм вăхăтра чуна?
Улах чухне те вăтанса тăнишĕн
Эс каçарсам, юратăвăм, мана!
Тулли телей урăххипе сунатăп,
Утас çулна эп пӳлмĕп нихăçан!
Чĕрем тапнă чухне пĕрех çунатăп
Сан ятупах! Эс асăмра ялан!
Каçар мана. Каçар. Эп йăлăнатăп.
Чунпа туятăп, тавăрма май çук...
Паян кунччен те тĕлĕкре куратăп:
Çутă сăнна манма-çке вăйăм çук.
Шухăшсем
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...
Питĕ килĕшрĕ ...