Пĕлсемччĕ юратма
Юрату ан ил эс укçалла,
Сан чунна питех ку ăшăтаймĕ.
Ӳтне сутнă чиперкке çапла
Туйăмпа, хĕрӳллĕн ыталаймĕ.
Эрехпе ан парăнтар хĕре.
Ӳсĕр хĕр вăл шаннă çеçпĕл мар-и?
Чуптусан та пулмĕ пурпĕрех
Чунĕнче ун юрату кăварĕ.
Пикене хăш чух эс, хăратса,
Выльăхла, вăйпа илме пултарăн.
Сан çине, шанатăп, юратса
Нихăçан пăхаймĕ çак хĕрарăм.
Çĕрлехи сив уйăх таврана
Шевлине сапсан та ăшăтаймĕ.
Сар хĕр патăр туйăмне сана!
Çук! Хĕлхемсĕр юрату пулаймĕ!
Çут хĕвел пек пăхтăр сан çине
Яланах савнийӳ юратуллăн!
Парнелетĕр чăн-чăн туйăмне
Сана çеç! Вара телейлĕ пулăн.
Шухăшсем
Миçе çын пăхнă е вуланă ? 647 ...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...