Атăл хĕрĕн юрри
(Юрă)
Йалтăр-йăлтăр хумсем килнĕçемĕн
Пирĕн кимĕ пĕччен чӳхенет.
Кĕсле-купăс, янрат çĕнĕ çемĕ,
Атăл тăрăх салат инçене.
Каçсерен хамăр ял хĕр упраçĕ
Вăйăра юрласа савăнать,
Мăшăрсем кимĕпе ярăнаççĕ,
Манăн çеç эс çукран ăш çунать.
Инçетре эсĕ, ман ăмăрт кайăк,
Тинĕсрен-тинĕсе ярăнан.
Асилен-ши шывра ишнĕ майăн
Ăнсăртран та пулин эс мана?
Час эпир тăрăшса пĕвелетпĕр
Шупашкар патĕнче Атăла,
Тантăшсем сана пурте кĕтетпĕр
Караппа килессе каялла.
Шухăшсем
Спасибо предназначенных для доставки эти...
План можите пожалуйста написать
Большое спасибо! Это является потрясающ...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...