Ҫынна нихҫан усал ан ту,
Сас хӑпартса та ан калаҫ.
Кашни ҫынна эс кӑмӑл ту,
Ҫын хушшинче ӗҫпе тавлаш.

Ачу-пӑчу пулсан сӑпайлӑ
Ют ҫын сана сума сӑвать.
Малашлӑх пулӗ саншӑн майлӑ,
Мӗн пуррипе ҫын пурӑнать.

Мӗн ҫуккине татса илесшӗн
Урӑххинчен эс ан тӑрмаш.
Санӑн чуну ҫӳле вӗҫесшӗн,
Ҫынпа ан хирӗҫ эс, чӑваш.

Пӗр-пӗринпе пӗрле утасчӗ,
Малашлӑх пирӗншӗн пӗрре.
Чӑваш валли хӗвел хӑпарчӗ,
Чӑмӑртанасчӗ халь пӗрле.

Ҫавӑн пекех

Юрий Ковалёвӑн ытти сӑввисене кунта тупма пултаратӑр.