Сайта кӗр | Регистраци | Сайта кӗрсен унпа туллин усӑ курма пулӗ
 +15.0 °C
Пӑсма пӗр кун, тума виҫ кун.
[ваттисен сӑмахӗ]
 

Ачалӑх (Николай Карай)

Ӗҫлеттерес тесе те мар,
Выҫсассӑн, ҫӑкӑр ыйтнӑран,
Мана анне ҫурла тытма
Вӗрентнӗ, эп вунна пуссан.

Ята ҫурла аври ҫине
Эп ҫырнӑччӗ хитре касса,
Уйра тупсан, Кам ҫурлине,
Такам та пӗлнӗ, вуласа.

Пӑхмастчӗҫ эс камне.
Ана Виҫсе паратчӗҫ — упален.
Выраттӑмччӗ, Хыҫри ҫынна
Хамран эп пур пӗр ирттермен.

Кашни пучах — ҫӑкӑр чӗлли,
Ҫакна эп пӗлнӗ пӗчӗкрен.
Пурне ҫине вырма палли
Ҫурла лартман пуль ахальтен.

Эп тунӑ сар кӗлтесенчен
Ҫавра ҫӗмел ӳссе ларсан,
Ҫут тӗнчере маншӑн, ӗнен,
Унран пахи нимскер пулман...

Ҫиме ларсан, ӗшеннине
Туяттӑмччӗ кӗлеткере.
Ачалӑха эп хӑш чухне
Куратӑп халь те тӗлӗкре.

Николай Карай


 
Статья каҫми :: Пичет версиӗ

Admin тӳрлетнӗ, информацие 2006-03-08 11:01:54 вӑхӑтра улӑштарнӑ. 2137 хут пӑхнӑ.
Orphus

Радио (30.04.2017)

23:00
 
Юрă вăчăри (12+)

Баннерсем

 
Сайт пирки | Пулӑшу | Статистика
(c) 2005-2017 Chuvash.Org | МИХ пек регистрациленӗ свидетельство номерӗ: 2017 ҫулхи нарӑсӑн 3-мӗшӗнче алӑ пуснӑ ЭЛ № ФС 77 - 68592. Свидетельствӑна Ҫыхӑну, информаци технологийӗ тата массӑллӑ коммуникаци сферине тӗрӗслесе тӑракан федераллӑ служба (Роскомнадзор) панӑ.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org