Сайта кӗр | Регистраци | Сайта кӗрсен унпа туллин усӑ курма пулӗ
 +15.0 °C
Йывӑҫне кура ҫимӗҫӗ.
[ваттисен сӑмахӗ]
 

Ӗҫкӗ мыскари (Василий Давыдов-Анатри)

Кӑҫал ҫапла Михала,
Така пуснӑ ятпала,
Чӗнсе килчӗ хӑнана
Хайхи услап Ваҫҫана,
Вӗҫкӗн, мӑран Мируна.
Анаткасри Антуна...
Эрех-сӑра тӑкӑнать,
Урай кашти авӑнать.
Чӑн авалхи йӗркепе
Ваҫҫа сыпать черккепе,
Мирун ӗҫет куркапа,
Антун ярать алтӑрпа...
Ӗҫсен-ӗҫсен, урмӑшсан,
Ӑса-пуҫа ҫухатсан,
Хайхи туссем, пӗлӗшсем,
Намӑс-симӗс ҫук ҫынсем,
Сикрӗҫ-тӑчӗҫ ҫапӑҫма,
Пӗрне-пӗри ҫунтарма.
Хайхи ӳсӗр ҫиллипе
Ваҫҫа ҫапать черккепе,
Мирун парать куркапа,
Антун ярать алтӑрпа.
Ак тамаша, япала,
Мӗскер ӗнтӗ тумалла, —
Мӗкӗреҫҫӗ вӑкӑрла,
Ҫухӑраҫҫӗ сысналла...
— Така ӗҫки пит хакла
ларчӗ, — тет халь Михала.
Ваҫҫан хӑлхи янӑрать,
Мирунӑн мӑй ыратать,
Антун аран уткалать,
Ҫаплах укол тутарать.
Ирӗк парӑр калама:
Вӑхӑт ӗнтӗ ӑнланма —
Ҫитет ӗҫсе ашкӑнма,
Ҫын сӑнарне ҫухатма.



 
 
Статья каҫми :: Пичет версиӗ

Admin тӳрлетнӗ, информацие 2008-03-13 23:29:50 вӑхӑтра улӑштарнӑ. 2586 хут пӑхнӑ.
Orphus

Радио (30.04.2017)

23:00
 
Юрă вăчăри (12+)

Баннерсем

 
Сайт пирки | Пулӑшу | Статистика
(c) 2005-2017 Chuvash.Org | МИХ пек регистрациленӗ свидетельство номерӗ: 2017 ҫулхи нарӑсӑн 3-мӗшӗнче алӑ пуснӑ ЭЛ № ФС 77 - 68592. Свидетельствӑна Ҫыхӑну, информаци технологийӗ тата массӑллӑ коммуникаци сферине тӗрӗслесе тӑракан федераллӑ служба (Роскомнадзор) панӑ.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org