Сайта кӗр | Регистраци | Сайта кӗрсен унпа туллин усӑ курма пулӗ
 +15.0 °C
Тумлам шыв та тинӗсе пулӑш.
[ваттисен сӑмахӗ]
 

Ҫулла (А. Казанов)

Пӑхсам, пӑхсам эс, вулаканӑм,
Самантлӑха чунпа та канӑн,
Тӑван тавралӑха сӑна:
Куратӑн-и, епле илемлӗх,
Чӗре таппи — черчеккӗ хӗлӗх -
Асамлӑх кӳтӗр-и сана!

Чӗнет, туртать, ем-ешӗл ырлӑх:
Уй-хир тавра — мӑнаҫлӑ хырлӑх,
ҫиҫет ҫӳлте кӑвак тӳпе...
Кашни кӗтес хӑй евӗр капӑр:
Ҫӑл куҫ кӗвви, тӳпемлӗх, тапӑр
Ҫыран пехетнӗ — кӗтӳпе...

Лаша курсан, чӗре хӗмхемлӗ
Нихҫан манми ӳкерчӗксемлӗ
Ачалӑх, ҫамрӑклӑх умра.
Мӗскер пытарӑн, ял сӑнарӗ
Ӑша ялан, ялан ҫунтарӗ —
Вӑл пысӑк чыслӑхра-сумра.

Тӑван кӗтесӗн ҫут пехилӗ
Ытарайми тӑри сассиллӗ,
Пиллерӗ хӑйӗн хӑватне.
Ӑна манмарӗ чун йыхравӗ,
Ҫаплах хӗрӳллӗ ун янравӗ:
Ҫӳлте тытас ял-йыш ятне!

...Ӑшпиллӗх чӗререн каймарӗ:
Мӗнле тивлет — тӗнче капмарӗ!
Ытамӗ ӑшшӑн ҫупӑрлать.
Ҫӑва аса илетипӗр тавлӑн,
Анчах утан ытла васкавлӑ,
Самант — иртет те ҫухалать...

Аркадий Казанов


 
Статья каҫми :: Пичет версиӗ

Admin тӳрлетнӗ, информацие 2006-02-07 23:26:26 вӑхӑтра улӑштарнӑ. 2567 хут пӑхнӑ.
Orphus

Радио (30.04.2017)

23:00
 
Юрă вăчăри (12+)

Баннерсем

 
Сайт пирки | Пулӑшу | Статистика
(c) 2005-2017 Chuvash.Org | МИХ пек регистрациленӗ свидетельство номерӗ: 2017 ҫулхи нарӑсӑн 3-мӗшӗнче алӑ пуснӑ ЭЛ № ФС 77 - 68592. Свидетельствӑна Ҫыхӑну, информаци технологийӗ тата массӑллӑ коммуникаци сферине тӗрӗслесе тӑракан федераллӑ служба (Роскомнадзор) панӑ.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org