Нарӑсӑн 27-мӗшӗнче __Йӗпреҫри__ культура ҫуртӗнче «Чӑваш пики — 2014» конкурс иртнӗ. Районти 6 ял тӑрӑхӗнчи 9 пике хӑйсен пултарулӑхӗпе паллаштарнӑ. Диана Козлова (__Кӗлӗмкасси__ ял тӑрӑхӗ), Анжела Анисимова (__Пучинке__ ял тӑрахӗ), Луиза Ильина (__Шӑрттан__ ял тӑрахӗ), Валентина Васильева (__Чӑваш Тимеш__ ял тӑрӑхӗ), Мария Савельева (Кирово ял тӑрӑхӗ), Вера Архипова (__Энтриел__ ял тӑрӑхӗ), Анжела Прохорова (__Чӑваш Тимеш__ ял тӑрӑхӗ), Алиса Васильева (__Пучинке__ ял тӑрӑхӗ), Эльвира Бронникова (__Кӗлӗмкасси__ ял тӑрӑхӗ) пилӗк конкурсра ӑмӑртнӑ. Малтанах хӗрсем хӑйсемпе паллаштарнӑ. Иккӗмӗш конкурсра кӑткӑс ыйтусене хуравланӑ. Виҫҫӗмӗш конкурсра юрӑ-ташӑ пулнӑ. Унтан хӗрсем чӑваш апат-ҫимӗҫӗпе паллаштарнӑ. Ӑна вӗсем хӑйсем хатӗрленӗ. Юлашки конкурсра пикесем хитре кӗпесем тӑхӑнса утнӑ.
Паллах, кашни хӗр малти вырӑна йышӑнма тивӗҫ. Анчах ҫӗнтерӳҫе палӑртмаллах. Пӗтӗмлетӳсене Йӗпреҫ хула тӑрӑхӗн администрацийӗн пуҫлӑхӗ Вячеслав Анисимов тата Культура аталанӑвӗн центрӗн директорӗ пӗлтернӗ. Зала пухӑннӑ халӑх сцена ҫинчи пикесене чылайччен алӑ ҫупнӑ. Диана Козлова «Чӑваш пики — 2014» ята тивӗҫнӗ. Эльвира Бронникова — «Вице чӑваш пики». Анжела Анисимова «Ҫап ҫутӑ кулӑллӑ пике» номинацире ҫӗнтернӗ. Луиза Ильина — «Хӳхӗм пике», Валентина Васильева — «Ҫепӗҫ пике», Мария Соловьева — «Ҫӗкленӳллӗ пике», Вера Архипова — «Ӑс пике», Анжела Прохорова — «Сӑпайлӑ пике», Алиса Васильева — «Илӗртӳллӗ пике». «Куракансем кӑмӑлланӑ пике» ята Анжела Анисимова тивӗҫнӗ.
Диана Козлова «Чӑваш пики — 2014» республика конкурсӗнче __Йӗпреҫ районӗн__ чысне хӳтӗлӗ.
__http://gov.cap.ru/info.aspx?gov_id=60&type=news&id=2721605|**Сӑнсем**__ (329)
__...__ - сӑмаха каҫӑ евӗр тӑвасси.
__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).
__https://chuvash.org|...__ - сӑмах ҫине тулаш каҫӑ лартасси.
**...** - хулӑм шрифтпа палӑртасси.
~~...~~ - тайлӑк шрифтпа палӑртасси.
___...___ - аялтан чӗрнӗ йӗрпе палӑртасси.
+9.3 °C