Сайта кӗр | Регистраци | Сайта кӗрсен унпа туллин усӑ курма пулӗ
 +6.3 °C
Ҫӑкӑр-тӑвар хире-хирӗҫ.
[ваттисен сӑмахӗ]
 

Хыпарсем: ҫемьесем

Республикӑра
mintrud.cap.ru сӑнӳкерчӗкӗ
mintrud.cap.ru сӑнӳкерчӗкӗ

Чӑваш Енре нумай ачаллӑ ҫемьесен форумне пуҫласа ирттерӗҫ. Унта республикӑри хастар ҫемьесене пухма палӑртнӑ.

Мероприятие республикӑ Ӗҫ тата социаллӑ хӳтлӗх министерстви Чӑваш Енри ҫамрӑк ҫемьесен ассоциацийӗпе пӗрле йӗркелӗ.

Форума мӗнпур муниципалитетри 58 ҫемьене йыхравланӑ.

Мероприяти вӑхӑтӗнче 4 темӑпа лапамсем йӗркелӗҫ: «Ҫемье усламӗ. Социаллӑ контракт», «Ҫемье медицини, демографи лару-тӑрӑвне лайӑхлатассинче репродукци сывлӑхӗн культури тӗп факторсенчен пӗри», «Ҫемье туризмӗ», «Амӑшлӑх телейӗ».

Форум ҫурла уйӑхӗн 30-мӗшӗнче «Солнышко» уйлӑхра ирхи 9 сехетрен пуҫласа 17 сехетчен иртӗ.

 

Пӑтӑрмахсем
chuvashia.sledcom.ru сӑнӳкерчӗкӗ
chuvashia.sledcom.ru сӑнӳкерчӗкӗ

Шупашкарти 38 ҫулти хӗрарӑм хӑйӗн хӗрне хӗнесе пурӑннӑ, амӑшӗн тивӗҫне вара йӗркеллӗ пурнӑҫламан. Хӗрарӑм тӗлӗшпе халӗ пуҫиле ӗҫ пуҫарнӑ.

Эгер бульварӗнче пурӑнакан хӗрарӑм кӑҫалхи нарӑс уйӑхӗнчен тытӑнса утӑ уйӑхӗччен 16 ҫулти хӗрне пӗрмай хӗненӗ: аллипе пуҫӗнчен тата ытти вырӑнтан ҫапнӑ, шӑлавар пиҫиххийӗпе те хӗненӗ.

Ҫемьере хӗрарӑмӑн тата тепӗр икӗ ача ӳсет иккен. Вӗсем — 14 тата 15 ҫулсенчи ачасем. Ҫемье ҫул ҫитменнисемпе ӗҫлекен комиссире учётра тӑнӑ.

Тӗпчевҫӗсем профилактика тытӑмӗнче ӗҫлекенсем хӑйсен тивӗҫне епле пурнӑҫланипе те кӑсӑкланӗҫ.

 

Республикӑра
t.me/pro_cheby каналтан илнӗ сӑнӳкерчӗк
t.me/pro_cheby каналтан илнӗ сӑнӳкерчӗк

Чӑваш Енре пурӑннӑ арҫын укҫа выляса илнӗ те тӑван тӑрӑхӗнчен тухса кайнӑ.

Владимир Макаров ятлӑ арҫын лотерейӑпа 4 миллион та 769 пин те 8 тенкӗ выляса илнӗ. Ҫавӑн хыҫҫӑн вӑл тӑван тӑрӑхран тухса кайма шут тынӑ. Унӑн ывӑлӗсем Мускав ҫывӑхӗнче пурӑнаҫҫӗ иккен. Арҫын та унта кайма тӗллев лартнӑ. Ҫемье виҫӗ пӳлӗмлӗ хваттер туяннӑ, сӗтел-пукан туяннӑ. Халӗ Владимир тата унӑн арӑмӗ Мускав облаҫӗнче тӗпленнӗ.

Хыпар ҫӑлкуҫӗ: https://t.me/pro_cheby/7340
 

Хулара

Шупашкар хулинчи халӑхӑн соцаллӑ ыйтӑвӗсене тивӗҫтерекен центрта ҫул ҫитмен амӑшӗсене тата амӑшӗ пулма хатӗрленекен ҫамрӑк хӗрсене пулӑшаҫҫӗ. Унта нумаях пулмасть унта «Маленькая мама» (чӑв. Пӗчӗк амӑшӗ) проект ӗҫлеме пуҫланӑ.

Ҫак эрнере учрежденире «Никама та памастӑп» тӗлпулу-диалог иртнӗ. Унта ҫул ҫитмен амӑшӗсемпе вӗсен ҫывӑх ҫыннисене йыхравланӑ.

Центрта Ҫул ҫитмен амӑшӗсене социаллӑ пурнӑҫ тата психологи енчен пулӑшакан служба та ӗҫлет.

Тӗплӗнрех ыйтса пӗлмелли телефон номерӗ +78352534294.

 

Чӑвашлӑх
"Чувашский край" страницӑран илнӗ сӑнӳкерчӗк
"Чувашский край" страницӑран илнӗ сӑнӳкерчӗк

Чӑваш ҫемйи Абхазирен 7 дипломпа таврӑннӑ.

Асӑннӑ ҫӗршывра наци культурисен «Алтын Майдан» пӗтӗм тӗнчери фествалӗ иртнӗ. Унта Алёна Силпи чӑваш юрӑҫи хӑйӗн ҫемйипе хутшӑннӑ. Вӗсем тӳресене хӑйсен тӗлӗнсе каймалла хитре тумӗпе (чӑваш тумӗпе!) тата илемлӗ юррисемпе тыткӑнланӑ.

Ҫемье 7 диплом ҫӗнсе илнӗ. «Пиллӗккӗшне эпӗ тивӗҫрӗм, Савелийпе Мирослав ывӑлӑмсем пӗрер дипломлӑ пулчӗҫ», — каласа кӑтартнӑ чӑваш хӗрарӑмӗ халӑх тетелӗнчи хӑйӗн страницинче.

 

Республикӑра
Ударцевсен ҫӗнӗ пӳрчӗ. "Про Город" сайтран илнӗ сӑн
Ударцевсен ҫӗнӗ пӳрчӗ. "Про Город" сайтран илнӗ сӑн

Кӑҫал кӑрлачӑн 14-мӗшӗнче Улатӑрта пурӑнакан нумай ачаллӑ Ударцевсем ҫуртсӑр юлнӑ – пушар вӗсен пӳртне кӗл купине ҫавӑрнӑ. Кун хыҫҫӑн ырӑ кӑмӑллӑ ҫынсем вӗсене пулӑшма тӑрӑшнӑ. Халӗ ав савӑнӑҫлӑ хыпар пур: Ударцевсем халӑх пулӑшнипе икӗ хутлӑ ҫурт туяннӑ. Пӳрте вӗсем пуш уйӑхӗнче туяннӑ. Ӑна хӑтлӑлатма тытӑннӑ.

Ударцевсем пушарта нимӗн те илсе тухайман. Чукун ҫул хӗрринче пурӑннӑран пушар машини патне пырайман. Шланг тӑсса пӗтернӗ ҫӗре ҫурт ҫунса та кайнӑ. Кун хыҫҫӑн ҫемье пӗлӗшӗсем патӗнче пурӑннӑ.

Инкек пирки тӗнче тетелӗнче вырнаҫтарсан ырӑ кӑмӑллӑ ҫынсем апат-ҫимӗҫпе те, япаласемпе те, укҫан та пулӑшма пуҫланӑ. Халӗ Ударцевсем ырӑ кӑмӑллӑ ҫынсене куншӑн тав тӑваҫҫӗ.

Хыпар ҫӑлкуҫӗ: https://pg21.ru/news/88386
 

Пӑтӑрмахсем
chuvashia.sledcom.ru сӑнӳкерчӗкӗ
chuvashia.sledcom.ru сӑнӳкерчӗкӗ

Муркаш районӗнчи Карманкассинче ывӑлӗ ашшӗне вӗлернӗ. Пӑтӑрмах тӗлӗшпе пуҫарнӑ пуҫиле ӗҫе тӗпчевҫӗсем суда ярса панӑ ӗнтӗ. 23 ҫулти каччӑна РФ Пуҫиле кодексӗн 105-мӗш статйин 1-мӗш пайӗпе айӑпласшӑн.

Тӗпчевҫӗсем палӑртнӑ тӑрӑх, кӑҫалхи пуш уйӑхӗн 26-мӗшӗнче каҫхине 56 ҫулти ашшӗпе 23 ҫулти ывӑлӗ хушшинче тавлашу сиксе тухнӑ. Тарӑхса кайнӑ ҫамрӑк аслине пӑвса лартнӑ. Ашшӗ ҫавӑнтах вилсе кайнӑ.

Ҫывӑх вӑхӑтра каччӑна суд тенкелӗ ҫине лартӗҫ.

 

Раҫҫейре
Валерия Чумакова страницинчен илнӗ сӑнӳкерчӗк
Валерия Чумакова страницинчен илнӗ сӑнӳкерчӗк

Утӑ уйӑхӗн 7-8-мӗшӗсенче Чӑваш Енре «Атӑлҫи тӑрӑхӗнчи ӑнӑҫлӑ ҫемье» конкурс иртрӗ. Пирӗн пата Атӑлҫи федераци округӗнчи регионсенчи чи-чи маттур ҫемьсенчен пӗрисем килсе ҫитрӗҫ.

Конкурсра Тутарстанри Камашевсем ҫӗнтернӗ. Ҫемьере 9 ача ӳсет.

Чӑваш Ен чысне Сӗнтӗрвӑрри районӗнчи Никитинсем-Чучаковсем хӳтӗлерӗҫ. Ҫамрӑк ҫемьене «Атӑлҫи тӑрӑхӗнчи чи туслӑ ҫемье» номинацире чысланӑ. Талпӑнуллӑ Никитинсем-Чучаковсем ӳлӗмрен конкурса тата та хутшӑнасшӑн. Хальхине вӗсем паха опыт пулчӗ тесе хакланӑ.

Хыпар ҫӑлкуҫӗ: https://t.me/ntrk21nactv/2572
 

Республикӑра
/t.me/pro_cheby каналтан илнӗ сӑнӳкерчӗк
/t.me/pro_cheby каналтан илнӗ сӑнӳкерчӗк

Чӑваш Енре хӗрарӑмсем ача ытларах ҫуратчӑр, ҫемьесем вара ан арканччӑр тесе республика шайӗнче хут йышӑннӑ. Олег Николаев Элтепер 451-мӗш номерлӗ йышӑнӑва алӑ пусни ҫинчен Телеграмри «Чебоксары в курсе» каналта пӗлтернӗ.

Унта хыпарланӑ тӑрӑх, республика ертӳҫи алӑ пуснӑ документ 150 ытла страницӑран тӑрать.

Маларах асӑннӑ ҫӑлкуҫ ҫав хутсене тишкерсе тухнӑ та ҫапларах пӗтӗмлетнӗ: Чӑваш Ен Элтеперӗн Администрацийӗ шаннӑ тӑрӑх, асӑннӑ йышӑну хӗрарӑмсем ача пӑрахнине чакарма пулӑшӗ, ачаллӑ студентсене пулӑшма май парӗ, ҫынсене патшалӑх пулӑшӑвӗ пирки нумайрах пӗлекен тӑвӗ.

Хыпар ҫӑлкуҫӗ: https://t.me/pro_cheby/6129
 

Республикӑра

Утӑ уйӑхӗн 7-8-мӗшӗсенче Чӑваш Енре "Атӑлҫи тӑрӑхӗнчи ӑнӑҫлӑ ҫемье" конкурс иртӗ. Пирӗн пата Атӑлҫи федераци округӗнчи 139 ашшӗ-амӑшӗпе ачисем килӗҫ.

Конкурсра ҫемьесем хӑйсемпе паллаштарӗҫ, пултарулӑхне кӑтартӗҫ, регионӗ пирки каласа кӑтартӗҫ.

Конкурса хутшӑнакансем Шупашкарпа та паллашӗҫ: Чӑваш наци музейне, "Шупашкар" хурал карапӗ ҫине кайса курӗҫ.

Утӑн 8-мӗшӗнче каҫхи 6 сехетре Чӑваш патшалӑх филармонийӗнче ҫӗнтерӳҫӗсене чыслӗҫ. Пирӗн республика чысне Сӗнтӗрвӑрри районӗнчи Никитинсем-Чучаковсем хӳтӗлӗҫ.

 

Страницӑсем: 1, 2, 3, 4, 5, [6], 7, 8, 9, 10, 11, 12, 13, 14, 15, 16, ... 47
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 15:00) уяр ҫанталӑк, атмосфера пусӑмӗ 751 - 753 мм, 7 - 9 градус ӑшӑ пулӗ, ҫил 3-5 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
пӗтӗм кил-йышпа тухаҫҫӗ
хуҫа арӑмӗ
хуҫа хӑй
кил-йышри арҫын
хуҫа тарҫи
ӑсатма тухни — ҫылӑх, юрамасть
хӑни ҫулне ахаль те пӗлет, ӑсатмасӑр та
хуть те кам тухсан та
хуҫин ҫитӗннӗ ачисем