Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Ӑшӑ сӑмах — ҫу кунӗ, сивӗ сӑмах — хӗл кунӗ.
[ваттисен сӑмахӗ]
 

Хыпарсем: ҫемьесем

Республикӑра
cap.ru сайтри сӑн
cap.ru сайтри сӑн

Улатӑрта пурӑнакан Татьяна Сидищевӑна «Амӑшӗ Героиня» ята панӑ. РФ Президенчӗ Владимир Путин хушӑва юпа уйӑхӗн 3-мӗшӗнче алӑ пуснӑ.

Татьянӑпа Василий 13 ачана воспитани параҫҫӗ: 7 ывӑл та 6 хӗр. Нумай ача амӑшӗ хушупа килӗшӳллӗн ордена тата 1 миллион тенке тивӗҫӗ.

Ҫавӑн пекех Дмитрий тата Наталья Тихоновсене – «Амӑшӗн мухтавӗ» орденпа /500 пин тенкӗ параҫҫӗ/, Алексейпа Алина Матросовсене «Амӑшӗн мухтавӗ» орден медалӗпе /200 пин тенкӗ параҫҫӗ/ чыслама йышӑннӑ.

Сӑмах май, Чӑваш Енре «Амӑшӗ Героиня» ята чи малтан Ҫӗмӗрлери 11 ача амӑшӗ Мария Кудрявцева тивӗҫнӗ.

 

Республикӑра
t.me/mintrud_21 сӑнӳкерчӗкӗ
t.me/mintrud_21 сӑнӳкерчӗкӗ

Шупашкарта пӗчӗк ача япалисене проката илме пулать. Вӗсемпе Шупашкар хулинчи ҫул ҫитменнисен социаллӑ реабилитаци центрӗ тивӗҫтерет.

Япаласемпе вӑхӑтлӑх усӑ курас тесен паспорт тата ача ҫурални ҫинчен калакан свидетельство кирлӗ. Вӑхӑт иртсен япалана центрӑн прокат пунктне кайса памалла.

Ача япалисемпе вӑхӑтлӑх усӑ курас тесен Шупашкар хулинчи ҫул ҫитменнисен социаллӑ реабилитаци центрӗпе ҫыхӑнмалла. Вӑл Гузовский урамӗнчи 26-мӗш ҫуртра вырнаҫнӑ. Ыйтса пӗлмелли телефон номерӗ 23-41-57.

Хыпар ҫӑлкуҫӗ: https://t.me/mintrud_21/4146
 

Пӑтӑрмахсем
t.me/pro_cheby каналтан илнӗ сӑнӳкерчӗк
t.me/pro_cheby каналтан илнӗ сӑнӳкерчӗк

Шупашкар районӗнче пурӑнакан пӗр пике туххӑмрах 1 миллион тенкӗллӗ пулса тӑнӑ. Ҫавӑн чухлӗ «кӗмӗле» ӑна ашшӗ куҫарса панӑ.

Арҫыннӑн хӗрне алимент тӳлемелле пулнӑ. Анчах вӑл чылай вӑхӑт хӑнк та туман.

Ачишӗн алимент тӳлемен ашшӗне малтанласа административлӑ майпа явап тыттарнӑ. Ҫавӑн хыҫҫӑн та арҫын укҫа тӳлеменрен суд приставӗсем ун тӗлӗшпе пуҫиле ӗҫ пуҫарнӑ. Ҫавӑн хыҫҫӑн арҫын парӑма туххӑмрах тӳлесе татнӑ. Ун хыҫҫӑн суд пуҫиле ӗҫе чарса лартнӑ.

Хыпар ҫӑлкуҫӗ: https://t.me/pro_cheby/8312
 

Персона
Олег Николаевӑн Телеграм-каналӗнчи сӑн
Олег Николаевӑн Телеграм-каналӗнчи сӑн

РФ Президенчӗ Владимир Путин Ҫӗмӗрлере пурӑнакан нумай ачаллӑ амӑшне Мария Кудрявцевӑна «Амӑшӗ героиня» ята пама йышӑннӑ.

Марийӑпа Иван Кудрявцевсем 11 ачана воспитани параҫҫӗ: 7 ывӑл та 4 хӗр. Аслӑ ывӑлӗ ятарлӑ ҫар операцине хӑйӗн ирӗкӗпе кайнӑ.

Ҫак хисеплӗ ята тивӗҫнӗ амӑшӗсене 1 миллион тенкӗ, грамота тата ылтӑнран тунӑ медаль параҫҫӗ.

Хыпар ҫӑлкуҫӗ: https://t.me/oanikolaev
 

Республикӑра
cap.ru сӑнӳкечӗкӗ
cap.ru сӑнӳкечӗкӗ

Ҫӗнӗ Шупашкарти Яковлевсем пӗтӗм ҫӗршыври «Ҫулталӑк ҫемйи - 2023» конкурсра палӑрнӑ.

Пилӗк ачаллӑ Александр тата Татьяна Яковлевсем «Семья – хранитель традиций» (чӑв. Ҫемье — йӑла-йӗрке управҫи) номинацире ҫӗнтернӗ.

Телейлӗ мӑшӑр пӗрлешнӗренпе 28 ҫул ҫитнӗ. Кил хуҫи — ӳнер промыслисен ӑсти, вӑл хулӑ авса сӗтел-пукан тата кил-тӗрӗшре кирлӗ ытти япала ӑсталать. Татьяна дизайнер тумӗн автор ателйине тытса тӑрать.

Мӑшӑр Ҫӗрпӳ районӗнчи Йӳҫкасси ялӗнчи тӑван килне те пӗрмай кайса ҫӳрет. Унта вӗсем пыл хурчӗсем тытаҫҫӗ, сад-пахчара ӗҫлеҫҫӗ.

 

Республикӑра
poisk-po-photo.ru сайтри сӑн
poisk-po-photo.ru сайтри сӑн

Чӑваш Енре нумай ачаллӑ ҫемьесене ҫӗр лаптӑкӗ вырӑнне 250 пин тенкӗ пама тытӑнасшӑн. Анчах вӑл пурне те лекмест – сахал тупӑшлисене кӑна. Хальлӗхе ку – саккун проекчӗ. Ӑна ЧР Патшалӑх Канашӗн депутачӗсем пӑхса тухмалла.

Кӑҫалхи ака уйӑхӗн 1-мӗшӗ тӗлне ку категорие кӗрекен 858 ҫемье ҫав пулӑшӑва илме пултарнӑ. Ҫӗр лаптӑкне илме черете тӑнӑ нумай ачаллӑ ҫемьесен йышӗ вара /утӑ уйӑхӗн 1-мӗшӗ тӗлне/ - 20798 ҫемье. 9943 ҫемье ҫӗр лаптӑкне илӗ. Вӗсенчен 494-шӗ унта ҫурт лартма шутланӑ.

 

Пӑтӑрмахсем
chuvashia.sledcom.ru сӑнӳкерчӗкӗ
chuvashia.sledcom.ru сӑнӳкерчӗкӗ

Йӗпреҫ районӗнчи Чӑваш Тимеш ялӗнче пурӑнакан арҫын хӑй кайса ҫӳрекен хӗрарӑмӑн ывӑлне хӗнесе пурӑннӑ.

46 ҫулти арҫынна халӗ РФ Пуҫиле кодексӗн 117-мӗш статйин 2-мӗш пайӗн «г» пункчӗпе килӗшӳллӗн явап тыттарнӑ.

Хӑй кайса ҫӳрекен хӗрарӑмӑн 16 ҫулти ывӑлне ҫав арҫын юратман. Ҫавна май вӑл ӑна 2022 ҫулхи чӳк уйӑхӗнчен пуҫласа кӑҫалхи ҫу уйӑхӗччен пӗрре ҫеҫ мар хӗненӗ.

Суд арҫынна 3 ҫул та 2 уйӑхлӑха тӗрмене хупмасӑр ирӗкрен хӑтарма, сӑнаса тӑмалли вӑхӑта ҫулталӑк тесе йышӑннӑ.

 

Пӑтӑрмахсем
forum.na-svyazi.ru порталтан илнӗ сӑнӳкерчӗк
forum.na-svyazi.ru порталтан илнӗ сӑнӳкерчӗк

Ӗнер, авӑн уйӑхӗн 6-мӗшӗнче, Шупашкар районӗнчи Питтукассинче чикансен хушшинче ӑнланманлӑх сиксе тухнӑ. Йӑлари ыйтупа ҫыхӑннӑ тавлашу «ытлашши сурансемсӗр вӗҫленнӗ». Кун пирки «Ҫыхӑнура» форумра пӗлтернӗ.

Пӗр-пӗринпе ҫапӑҫма тытӑнса кайнисене йӗрке хуралҫисем илсе кайнӑ.

Ҫавӑн хыҫҫӑн Алькеша (унта чикансем йышлӑ пурӑнаҫҫӗ) полицин тата Росгварлин патрулӗсем пырса ҫитнӗ. Унта Росгвардин хӗҫ-пӑшаллӑ «Тигр» автомобилӗ те пулнӑ.

 

Республикӑра
t.me/chebcentr21 сӑнӳкерчӗкӗ
t.me/chebcentr21 сӑнӳкерчӗкӗ

Паян Шупашкарта ваттисен ҫуртӗнче (халӗ апла каламаҫҫӗ-ха. Стационар уйрӑмӗ теҫҫӗ) пурӑнакан икӗ ватӑ ҫемье ҫавӑрнӑ.

Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӗнчи стационар уйрӑмӗнче пурӑнакан ҫулланнӑ икӗ ҫын ҫемье ҫавӑрнӑ.

Галина Александровна тата Сергей Степанович Мильковсене унта ӗҫлекенсем ӑшшӑн саламланӑ. 70 урлӑ каҫнӑ кинемейпе мучи пӗрле телевизор пӑхаҫҫӗ, хаҫат-журнал вулаҫҫӗ, уҫӑлма та пӗрле тухса кӗреҫҫӗ, учрежденире иртекен мероприятисене те пӗрле хутшӑнаҫҫӗ.

Хыпар ҫӑлкуҫӗ: https://t.me/chebcentr21/4035?single
 

Чӑвашлӑх
chuv_kray сӑнӳкерчӗкӗ
chuv_kray сӑнӳкерчӗкӗ

Шупашкар хулинче нумаях пулмасть пӗрлешнӗ мӑшӑрсенчен пӗри чӑвашла тумланса ҫемье ҫавӑрнӑ.

«Наци тумӗ – пирӗн асатте-асаннемӗрсен ламран лама куҫса пынӑ пуянлӑхӗсенчен пӗри», — ҫапла калаҫҫӗ Матвей тата Арина Лебедевсем.

Вӗсем авӑн уйӑхӗн 1-мӗшӗнче Шупашкарти Калинин районӗнчи ЗАГСра пӗрлешнӗ. Унта вӗсем чӑвашла тумланса пынӑ.

«Эпир хамӑр халӑхӑмӑрӑн йӑли-йӗркине, унӑ ӑс0хакӑл пуянлӑхне асра тытса тата сума суса пурӑнасшӑн. Мӑшӑрӑмӑн тӗрлесе капӑрлатнӑ кӗпи утнӑ чухне илемлӗ сасӑ кӑларать», — мӑнаҫланса палӑртнӑ ҫамрӑк упӑшка.

Хыпар ҫӑлкуҫӗ: https://t.me/chuv_kray/1789
 

Страницӑсем: 1, 2, 3, 4, [5], 6, 7, 8, 9, 10, 11, 12, 13, 14, 15, ... 47
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 15:00) уяр ҫанталӑк, атмосфера пусӑмӗ 751 - 753 мм, 5 - 7 градус ӑшӑ пулӗ, ҫил 4-6 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑни ҫулне ахаль те пӗлет, ӑсатмасӑр та
пӗтӗм кил-йышпа тухаҫҫӗ
хуҫа арӑмӗ
кил-йышри арҫын
хӑнана ӑсатма никам та тухмасть
ӑсатма тухни — ҫылӑх, юрамасть
хуть те кам тухсан та
хуҫа хӑй
хуҫа тарҫи
хуҫин ҫитӗннӗ ачисем