Сайта кӗр | Регистраци | Сайта кӗрсен унпа туллин усӑ курма пулӗ
 +7.3 °C
Пиҫнӗ-пиҫмен иккӗ тӑрантарать.
[ваттисен сӑмахӗ]
 

Хыпарсем: яваплӑх

Республикӑра
rpn.gov.ru сӑнӳкерчӗкӗ
rpn.gov.ru сӑнӳкерчӗкӗ

Комсомольски муниципаллӑ округӗн администрацийӗнчен ҫӗре вараланӑшӑн 600 пин тенкӗ шыраса илнӗ.

Пӑтӑрмах пирки Ҫутҫанталӑк надзорӗн управленине вырӑнтисем пӗлтернӗ.

Ведомство Комсомольскинчи ҫӗр лаптӑкӗсене тӗрӗсленӗ те канализаципе насус станцийӗнчен шыв юхса выртнине палӑртнӑ.

Асӑннӑ станци вырӑнти администраци балансӗ ҫинче пулнӑ.

Тимсӗрлӗхе пула ҫӗре 600 пин тенкӗ ытлалӑх шар кӑтартнӑ. Администраци штрафа хӑй кӑмӑлӗпе тӳлеме килӗшменрен Чӑваш Енӗн Арбитраж суднех ҫитнӗ. Халӗ штрафа тӳлесе татнӑ.

 

Ҫурт-йӗр
blog.domclick.ru сӑнӳкерчӗкӗ
blog.domclick.ru сӑнӳкерчӗкӗ

Чӑваш Енре пурӑнакансене кӳршӗ-аршӑпа строительсем канма кансӗрлесрен саккун йышӑннӑ. Ӑна чӳк уйӑхӗн 30-мӗшӗнче ҫирӗплетнӗ.

Асӑннӑ саккунра пӑхса хӑварнӑ тӑрӑх, нумай хваттерлӗ ҫуртсенче 23 сехетрен пуҫласа 7 сехетчен шавлама юрамасть. Строительствӑпа монтаж, юсав ӗҫӗсене 20 сехетрен пуҫласа 8 сехетчен пурнӑҫлама юрамасть.

Шӑматкунпа вырсарникун тата уяв кунӗсенче 22 сехетрен пуҫласа 9 сехетчен шавламалла мар. Строительствӑпа ҫыхӑннӑ ӗҫе 19 сехетрен пуҫласа 9 сехетчен пурнӑҫлама чарнӑ.

13 сехетрен пуҫласа 15 сехетчен те шавламалла мар.

Ҫӗнӗ ҫул каҫхине – раштавӑн 31-мӗшӗнче 22 сехетрен пуҫласа кӑрлачӑн 1-мӗшӗнче 4 сехетчен – шавланӑшӑн явап тыттармӗҫ.

 

Хулара
skidki-2023.ru сӑнӳкерчӗкӗ
skidki-2023.ru сӑнӳкерчӗкӗ

Шупашкарти ача пахчисенчен пӗринпе юнашар пирус туртмалли сутакан лавкка ӗҫленӗ. Хулари Гагарин урамӗнчи 36-мӗш ҫуртра вырнаҫнӑскерпе юнашарах тенӗ пек ача пахчи пур.

Табак таврашне, никотинлӑ япаласене, чӑмламалли табак сутакан точкӑсене ача пахчисемпе шкулсен ҫывӑхӗнче уҫма юрамасть. Асӑннӑ лавкка 74-мӗш ача пахчинчен 39 метрта вырнаҫнӑ. Нормӑпа килӗшӳллӗн 100 метртан ҫывӑхра пулмалла мар.

Усламҫӑ тӗлӗшпе прокуратура административлӑ ӗҫ пуҫарнӑ, ӑна 5 пин тенкӗ штраф тӳлеттернӗ. Ҫывӑх вӑхӑтра лавккана хупасшӑн. Ӗҫе суда ярса панӑ.

 

Пӑтӑрмахсем
orenburzhie.ru сӑнӳкерчӗкӗ
orenburzhie.ru сӑнӳкерчӗкӗ

Хӗрлӗ Чутай тӑрӑхӗнче пурӑнакан пӗр хӗрарӑм хӑйӗн ачи умӗнче 1,5 миллион тенкӗ парӑма кӗрсе кайнӑ. 38 ҫулти амӑшне ҫавӑншӑн ывӑх вӑхӑтрасуд енелӗ ҫине лартӗҫ. Ун тӗлӗшпе РФ Пуҫиле кодексӗн 157-мӗш стайин 1-мӗ айӗпе килӗшӳллӗн пуҫиле ӗҫ пуҫарнӑ.

Вырӑнти прокуратурӑра пӗлтернӗ тӑрӑх, алимент тӳлеменшӗн хӗрарӑма административлӑ майпа унччен темиҫе хут та явап тыттарнӑ. Анчах вӑл ывӑлне пӗрех пулӑшма васкаман — хӗрарӑм ӗҫе вырнаҫма шухӑшламан та.

Парӑмӑн пӗтӗмӗшле виҫи 1,5 миллион тенкӗрен иртсе кайнӑ.

Ывӑлне пулӑшма килӗшмен хӗрарӑм тӗлӗшпе пуҫарнӑ пуҫиле ӗҫе Етӗрне районӗнчи суда ярса панӑ.

 

Пӑтӑрмахсем

Шупашкар хулинче пурӑнакан 50 ҫулти хӗрарӑма 8 ҫуллӑха тӗрмене ӑсатнӑ. Ӑна РФ Пуҫиле кодексӗн 105-мӗш стайин 1-мӗш пайӗпе килӗшӳллӗн явап тыттарнӑ.

Кӑҫалхи пуш уйӑхӗнче вӑл хӑйӗн пӗлӗшӗпе патӗнче хӑналаннӑ. Унта тусӗн пӗлӗшӗ те, 52 ҫулти арҫын, пулнӑ. Пӗрле эрех ӗҫнӗ чухне хӑна ҫавӑнпа хирӗҫсе кайнӑ. Ӑна вӑл пуҫӗнчен мӑлатукпа хӗнеме тапранса кайнӑ. Суранланса пӗтнӗ арҫын тепӗр кунне пульницӑра вилсе кайнӑ.

Суд хӗрарӑма пӗтӗмӗшле режимлӑ колоние 8 ҫуллӑха ӑсатнӑ.

 

Сывлӑх
t.me/pro_cheby сӑнӳечӗкӗ
t.me/pro_cheby сӑнӳечӗкӗ

Ӗнертенпе, авӑн уйӑхӗн 1-мӗшӗнченпе, Чӑваш Енре энергетиксем сутма чарнӑ.

Вӑхӑтлӑха мар. Республикӑра ятарласа йышӑну кӑларнӑ.

Ачасене энергетик сутакан сутуҫӑсене штраф хурса пама йышӑннӑ. Уйрӑм ҫынсен 3,5 пинрен пуҫласа 5 пин тенкӗ таран кӑларса хума тивӗ, должноҫри ҫынсен — 10 пинрен пуҫласа 30 пин тенкӗ таран, предприяти-организацисен — 30 пинрен пуҫласа 50 пин тенкӗ таран.

Хыпар ҫӑлкуҫӗ: https://t.me/pro_cheby/7874
 

Пӑтӑрмахсем
mk.ru сӑнӳкерчӗкӗ
mk.ru сӑнӳкерчӗкӗ

Шупашка хулинчи пӗр усламҫӑ шалу тӳлемен. Прокуратура хушша-хуппа кӗнӗ хыҫҫӑн ҫеҫ ҫав пуян ӗҫ укҫине тӳлесе татнӑ.

Пӗр арҫын ҫӑра тавраш сутакан организацире ӗҫленӗ. Кӑҫалхи ҫӗртме уйӑхӗнче вӑл ҫар службине тухса кайнӑ. Ҫавӑн чухне ӗҫ контрактне усламҫӑпа вӑхӑтлӑха чарса лартнӑ.

Саккуна пӑхансан ӗҫ укҫине ҫын ӗҫрен пӑрахнӑ кунах тӳлесе татмалла. Анчах усламҫӑ апла утма васкаман.

Кӑлтӑк пирки прокуратурӑн хушша-хуппа кӗме тивнӗ. Надзор органӗ административлӑ ӗҫ пуҫарнӑ. Ҫавӑн хыҫҫӑн кӑна шалӑва тӳленӗ.

 

Ҫул-йӗр

Пӑрачкав районӗнче прокуратура ҫине тӑнипе ҫула юсанӑ.

Надзор органӗнче пӗлтернӗ тӑрӑх, ҫула прокуратурӑпа патшалӑхӑн ҫул-йӗр хӑрушсӑрлӑхӗн инспекторӗсем пӗрле тӗрӗсленӗ. Ҫул япӑхи ҫинчен вӗсем тӗнче тетелӗнче ҫырнине вуласа пӗлнӗ. Сӑмах «Шупашкар – Сурское» ҫул пирки пырать.

Муниципалитет территорийӗнчи ҫул, чӑн та, япӑхса кайнӑ иккен. Шӑтӑк-путӑклӑскер норматива тивӗҫтермен.

Ҫула тытса тӑма тивӗҫ «Дортех» организацие административлӑ майпа явап тыттарса 20 пин тенкӗ штраф хурса панӑ.

Ун хыҫҫӑн ҫула юсанӑ.

 

Республикӑра
vk.com/cheb121 сӑнӳкерчӗкӗ
vk.com/cheb121 сӑнӳкерчӗкӗ

Чӑваш Енри колонисенчен пӗринче айӑплав вӑхӑтне ирттерекенсем пушмак ҫӗлеҫҫӗ. Берцы ятлӑ ура тӑхӑнмали япалана 9-мӗш колонире ҫӗлеҫҫӗ.

Пушмака арҫынсем икӗ цехра хатӗрлеҫҫӗ. Пӗринче ӗҫлекен бригада кирлӗ пайсене касса кӑларса ҫӗлесе хатӗрлет, тепринче пушмака кирлӗ формӑпа хатӗрлесе ҫитереҫҫӗ.

Чӑваш Енри тӗрмесенче ларакансем, сӑмах май каласан, сӗтел-пукан та туса кӑлараҫҫӗ, ял хуҫалӑх продукцине туса илсе тирпейлеҫҫӗ, ттимӗр-тӑмӑр, йывӑҫ-чус, ҫӗвӗ производствинче ӗҫлеҫҫӗ.

вашской колонии шьют берцы

 

chuvashia.sledcom.ru сӑнӳкерчӗкӗ
chuvashia.sledcom.ru сӑнӳкерчӗкӗ

Шупашкарта пурӑннӑ 37 ҫулти арҫынна суд кирпӗч шутлама ҫирӗп режимлӑ колоние ӑсатнӑ. Ҫав этем тӑван амӑшне вӗлернӗ.

Аса илтерер: кӑҫалхи пуш уйӑхӗн 15-мӗшӗнче Шупашкарта пурӑнакан 37 ҫулти арҫын Сӗнтӗрвӑрри районӗнче амӑшӗ патӗнче пулнӑ. Хайхискерсем вӑрҫӑнса кайнӑ. Ывӑлӗ амӑшне пӑвса вӗлернӗ. Малтан вӑл ӑна питӗнчен икӗ хутчен ҫапнӑ, амӑшӗ персе ансан пӑвса лартнӑ.

 

Страницӑсем: 1, [2], 3, 4, 5, 6, 7, 8, 9, 10, 11, 12, ... 26
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 15:00) уяр ҫанталӑк, атмосфера пусӑмӗ 751 - 753 мм, 7 - 9 градус ӑшӑ пулӗ, ҫил 3-5 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
пӗтӗм кил-йышпа тухаҫҫӗ
хӑни ҫулне ахаль те пӗлет, ӑсатмасӑр та
хуҫа тарҫи
хуҫа хӑй
хуть те кам тухсан та
хуҫин ҫитӗннӗ ачисем
кил-йышри арҫын
хуҫа арӑмӗ
хӑнана ӑсатма никам та тухмасть
ӑсатма тухни — ҫылӑх, юрамасть