Сайта кӗр | Регистраци | Сайта кӗрсен унпа туллин усӑ курма пулӗ
 +4.3 °C
Тимӗре хӗрнӗ чух туптаҫҫӗ.
[ваттисен сӑмахӗ]
 

Хыпарсем: судсем

Республикӑра
kurieronline.ru сайтри сӑн
kurieronline.ru сайтри сӑн

7 уйӑхри ачана пуҫӗнчен ҫапнӑ арҫынна пӗтӗмӗшле режимлӑ колоние 4,5 ҫуллӑха ӑсатнӑ.

Ку ӗҫ кӑҫал пуш уйӑхӗн 4-мӗшӗнче Етӗрнере пулнӑ. Вӑл хваттерӗнче хӑнана килнӗ хӗрарӑмпа эрех ӗҫнӗ. Лешӗ пӗчӗк ачипех ҫитнӗ. Ирхи 4 сехетре ача макӑрма пуҫланӑ. Ку арҫынна тарӑхтарнӑ. Вӑл пӗчӗкскерӗн хӑлхине пӑрнӑ, унтан пуҫӗнчен аллипе ҫапнӑ. Арҫын ачан пуҫ купташки хуҫӑлнӑ, пуҫ мими сиенленнӗ.

Прокуратура ыйтнипе ачана амӑшӗнчен туртса илсе кукамӑшне (е асламӑшне) опекӑна панӑ.

 

Хулара
yur-gazeta.ru сайтри сӑн
yur-gazeta.ru сайтри сӑн

Полици уйрӑмӗнче мина хунӑ тесе суйса шӑнкӑравланӑ арҫынна суд тӗрмене хупмасӑр 3 ҫуллӑха айӑплама йышӑннӑ. Тӗрӗслев срокӗ – тепӗр 2 ҫул.

Ҫак арҫын Шупашкарта пурӑнать. Ҫӗртме уйӑхӗнчи пӗр кун вӑл «Каҫхи Хула» кафере каннӑ. Ҫавӑн чухне вӑл Трактор тӑвакансен проспектӗнчи 32-мӗш «А» ҫуртра вырнаҫнӑ полици уйрӑмӗнче мина хуни пирки пӗлтернӗ.

Ятарлӑ службӑсем вырӑна ҫитсе тӗрӗсленӗ те нимӗнле сирпӗнекен хатӗр те тупман. Арҫынна вара суд тунӑ.

 

Персона
Алмаз Якупов. tatarstan.ru сӑнӳкерчӗкӗ
Алмаз Якупов. tatarstan.ru сӑнӳкерчӗкӗ

Чӑваш патшалӑх юрӑпа ташӑ ансамблӗн экс-ертӳҫине коррупципе ҫыхӑннӑ пӑтӑрмахшӑн явап тыттарасшӑн.

Пултарулӑх коллективне 2018 ҫулхи юпа уйӑхӗнчен 2020 ҫулхи ака уйӑхӗччен ертсе пынӑ арҫын артистсенчен преми ыйтнӑ. Укҫа хуҫалӑхра усӑ курма кирлӗ тесе ӗнентернӗ. Ҫапла вӑл 105 пин ытларах тенкӗ ыйтса илнӗ.

Артистсене дисциплина енӗпе явап тыттарассипе, соло номерсем памассипе, тухса ҫӳресе концерт кӑтартнӑ чухне илсе каймассипе хӑратса та сӗтев ыйтнӑ. 32,5 пинрен пуҫласа 44,5 пин тенкӗ таран. Кун пек вӑл 155 пин тенкӗ ыйтса илнӗ.

2019 ҫулхи утӑ-раштав уйӑхӗсенче пӗлӗшӗпе суя килӗшӳ тунӑ, унта лешӗ 15 тухья хатӗрлесе пама пулнӑ. Ӗҫшӗн 149 пин тенкӗ тӳленӗҫи тунӑ. Анчах тухьяна урӑх ҫын йӳнӗрехпе хатӗрлесе панӑ.

Ансамблӗн экс-ертӳҫине суд 6 ҫуллӑха ҫирӗп режимлӑ колоние ӑсатма йышӑннӑ. Приговор хальлӗхе вӑя кӗмен.

«Ҫыхӑнура» форумра пӗлтернӗ тӑрӑх, маларах эпир асӑнса хӑварнӑ ҫулсенче ансамбле Алмаз Якупов ертсе пынӑ.

 

Хулара
1gai.ru сайтри сӑн
1gai.ru сайтри сӑн

Шупашкарта пурӑнакан арҫын ачишӗн алимент тӳлемен. Парӑм самай пухӑннӑ: 830 пин тенкӗ.

Суд йышӑнӑвӗпе килӗшӳллӗн, 39 ҫулти арҫыннӑн ӗҫ укҫин 1/4 пайне ачишӗн алимент тӳлемелле пулнӑ. Анчах вӑл ҫакна пурнӑҫламан. Ака уйӑхӗнче алимент тӳлемешӗн ӑна явап тыттарнӑ, патшалӑхшӑн ӗҫлеттернӗ. Кун хыҫҫӑн та вӑл тӳрӗ ҫул ҫине тӑман. Кӑҫал ҫурла уйӑхӗн тӗлне унӑн парӑмӗ 830 пин тенке ҫитнӗ.

Халӗ суд ӑна 6 уйӑх ӗҫлеттерме, ӗҫ укҫин 10 процентне патшалӑх валли тытса юлма йышӑннӑ.

 

Пӑтӑрмахсем
t.me/chuv_prok каналтан илнӗ сӑнӳкерчӗк
t.me/chuv_prok каналтан илнӗ сӑнӳкерчӗк

Ҫӗмӗрлере пӗр ачана йытӑ ҫыртнӑ. Ҫавӑн пирки ача амӑшӗ прокуратурӑна ҫул тытнӑ.

Прокуратура тӗрӗсленӗ май ҫакна палӑртнӑ. Кӑҫалхи авӑн уйӑхӗн 12-мӗшӗнче ача шкултан килне таврӑннӑ, ҫавӑн чухне ӑна килсӗр-ҫуртсӑр йытӑ ҫыртнӑ.

Ачана амӑшӗ больницӑна илсе кайнӑ. Унтан вӑл надзор органне ҫӑхавланӑ. Ҫавӑн хыҫҫӑн прокуратура суда тавӑҫпа тухнӑ. Унта Ҫӗмӗрле хула администрацийӗнчен ачана кӑмӑл-сипет тӗлӗшӗнчен сиен кӳнӗшӗн саплаштарма ыйтнӑ.

Суд ачана майлӑ пулнӑ — администрацирен 10 пин тенкӗ шыраса илме йышӑннӑ.

Хыпар ҫӑлкуҫӗ: https://t.me/chuv_prok/706
 

Республикӑра
"На связи" форумри сӑн
"На связи" форумри сӑн

Патӑрьелти ачасемпе спорт шкулӗн директорне 120 пин тенкӗлӗх штрафлама йышӑннӑ.

Следстви тата суд палӑртнӑ тӑрӑх, 2020 ҫулхи пуш-ака уйӑхӗсенче хӑйӗн машинине служба транспорчӗ валли уйӑрнӑ бензина янӑ. Ҫапла вӑл 425 литр бензин тӑкакланӑ. Патӑрьел районӗн администрацине пӗтӗмпе 17,5 пин тенкӗлӗх. Ҫав ҫулах кӗркунне директор ӑмӑртӑва хутшӑнакансене апатлантарма укҫа кирлӗ тесе ӗҫтешне каланӑ. Документсене хӑех хатӗрленӗ, алӑ пуснӑ - лешсем укҫа илнӗ имӗш. Чӑннипе вара илмен. Директор укҫана хӑйӗн тӗллевӗпе усӑ курнӑ.

 

Хулара
pro-ugolovnoe.ru сайтри сӑн
pro-ugolovnoe.ru сайтри сӑн

Шупашкарта пурӑнакан арҫын суя укҫапа усӑ курнӑшӑн судра явап тытнӑ. Ӑна тӗрмене хупмасӑр 1,5 ҫуллӑха айӑпланӑ.

Кӑҫал пуш уйӑхӗнче ҫак арҫын телеграмра 2 пин тенкӗлӗх икӗ суя укҫа туянасси пирки калаҫса татӑлнӑ. Сутакан ҫын ӑна вӑрттӑн вырӑна хурса хӑварнӑ. Ку кайса илнӗ.

Кун хыҫҫӑн арҫын лавккана кайса электрон пирус туяннӑ. Сутуҫӑ ӑна сдача панӑ.

Арҫын судра айӑпне йышӑннӑ.

 

Пӑтӑрмахсем
/chuvashia.sledcom.ru сӑнӳкерчӗкӗ
/chuvashia.sledcom.ru сӑнӳкерчӗкӗ

Канаш районӗнче пурӑнакан ҫамрӑк арҫын савнин упӑшкине вӗлернӗ.

РФ Следстви комитечӗн Чӑваш Енри управленийӗнче пӗлтернӗ тӑрӑх, Аксарин ялӗнче пурӑнакан 23 ҫулти ҫамрӑка РФ Пуҫиле кодексӗн 111-мӗш статйин 4-мӗш пайӗпе килӗшӳллӗн явап тыттарнӑ.

2021 ҫулхи раштавӑн 21-мӗшӗнче ӳсӗрскер хӑйӗнпе арлӑ ҫыхӑнура пурӑннӑ хӗрарӑм патне пырса кӗнӗ. Анчах савнин килӗнче упӑшки пулнӑ. Кӗвӗҫнипе ҫамрӑк арҫын арҫынпа хирӗҫме тытӑнса кайнӑ. Ӑна вӑл пуҫӗнчен чышкӑпа 13 хутран кая мар ҫапнӑ. Суранланнӑ арҫын кӑштахран пульницӑра вилсе кайнӑ.

Ҫынна вӗлернӗ арҫынна суд 8 ҫул та 30 кунлӑха ҫирӗп режимлӑ колоние ӑсатма йышӑннӑ.

 

Сывлӑх
 rptd.med.cap.ru сӑнӳкерчӗкӗ
rptd.med.cap.ru сӑнӳкерчӗкӗ

Красноармейски районӗнчи пӗр арҫын туберкулёзран сипленесшӗн пулман. Арҫын уҫӑ формипе (вӑл ҫынсене ерет) чирленӗ. Вӑл Республикӑн туберкулёзпа кӗрешекен диспансерӗнче унччен выртнӑ-ха, анчах хӑй тӗллӗн тухса каяс йӑла пулнӑ. Кӑҫалхи ҫӗртме уйӑхӗнченпе вӑл сипленме пӑрахнӑ.

Ыйтӑва прокуратура тата суд урлӑ татса пама тивнӗ. Республикӑн Сывлӑх сыхлав министерстви надзор органне евитленӗ, унтисем суда ҫитнӗ. Суд арҫынна больницӑра сипленмелле йышӑну кӑларнӑ.

 

Ҫурт-йӗр
r21.fssp.gov.ru сӑнӳкерчӗкӗ
r21.fssp.gov.ru сӑнӳкерчӗкӗ

Пӗр хӗрарӑма Вӑрнар районӗнчи пӳртӗн пӗр пайӗ халалласа хӑварнӑ. Анчах вилнӗ хӗрарӑмӑн упӑшки ҫӗнӗ хуҫана килне кӗртесшӗн пулман.

Халалланипе лекнӗ харпӑрлӑхшӑн арҫынпа ятлаҫса тӑман — суда яра панӑ, унта ҫитсе вӑл тавӑҫ шӑрҫаланӑ. Тӳре те хӗрарӑма майлӑ пулнӑ — ҫӗнӗ харпӑрлӑхҫӑна ҫурта кӗртме йышӑну тунӑ.

Ялти ҫурта хӗрарӑм суд приставӗсемпе пырса кӗрсен арҫын текех хирӗҫ тӑман.

 

Страницӑсем: 1, 2, 3, 4, 5, 6, 7, 8, 9, [10], 11, 12, 13, 14, 15, 16, 17, 18, 19, 20, ... 124
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 21:00) уяр ҫанталӑк, атмосфера пусӑмӗ 752 - 754 мм, 1 - 3 градус ӑшӑ пулӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
ӑсатма тухни — ҫылӑх, юрамасть
пӗтӗм кил-йышпа тухаҫҫӗ
хӑни ҫулне ахаль те пӗлет, ӑсатмасӑр та
хуҫа тарҫи
хуҫин ҫитӗннӗ ачисем
хӑнана ӑсатма никам та тухмасть
хуть те кам тухсан та
кил-йышри арҫын
хуҫа хӑй
хуҫа арӑмӗ