Килсе, ăша ыйту акса хăвартăн —
Шалтан-шала сăхать пин-пин тымар...
Ют ăс витми пытарнă тарăн картăм1
Кӳпченĕ май тиркет, тунать: сан мар.
Кĕтмен. Ăсран сăмах ăссах шăвартăн —
Çĕр тĕрлĕ шухăш шăтрĕ шеп калчан.
Çумла-çумла сайра туса хăвартăм —
Управлăх вырăн пулĕ пуç-панча2.
Ан кил. Паян кăна тытса куçартăм
Чĕре йăранĕн нӳрĕ ĕретне.
Манах пулсан — тархасшăн — çупкăм сартăр,
Тулсан хыватпăр пурнăç кĕлетне.