Вакуннăн-вакуннăн шăваççĕ саккунлăн
Аса илӳсем сыпăнтарнă кунсем...
Тăратăн вара: пулман та пуль? Пулнă!
Йышнас килмесен те çырлах, ĕненсем.
Вакуннăн-вакуннăн... те савнăç, те хурлăх
Тултарнă, иртеççĕ сăмсам умĕнчен.
Ачалăх та яшлăх сăрт-тăвĕ, çыр урлă
Таçта тăхтамасăр каяççĕ инçе.
Вакуннăн-вакуннăн... иртеççĕ шак хунăн1
Сывлас сывлăша ĕмĕтпе тĕтĕрсе...
Пĕлмесĕр тăратăн: мĕн чухлĕ-ши юлнă —
Шăпам картнă пек - сыпмалли кунăмсем?