Ман çинчен, чун савни, шухăшла
Ир те каç, çурçĕрпе, кăнтăрла.
Чĕремре упраса сан сăнна
Чунăмпа эпĕ туйăп çавна.
Савнă тус, маншăн эс тунсăхла,
Çав-çавах макăрма ан шутла!
Шухăшна, тунсăхна туйнăран
Ăшăмра лăпланайĕ суран.
Ĕненсем, чун савни, ĕненсем,
Кĕç иртеç çак кичем кун-çĕрсем!
Тĕлпулу самантне васкатса
Пурăнап пĕр санах юратса!
Кĕтсе ил, савнă тус, кĕтсе ил,
Тутрупа куççульне шăлса ил!
Ман хĕрӳ ытама вырнаçма
Эс тухсам васкаса урама!