Вилтăпри умĕнче тăнă чух
Çут тĕнче урăхла курăнать:
Пур те пур сан, сан нимĕн те çук.
Пур пекки те — самантлăх кăна.
Пĕр самантлăх эс килнĕ кунта.
Анчах, шел, ăнланмапстăн çакна.
Эс шутлатăн: «Йăлтах ман — малта!
Пурăнма эп пуçланă кăна!..»
Йăпататпăр ялан хамăра.
Улталатпăр ялан хамăра.
Кун пек чух пурăнма çăмăлрах.
Кун пек чух кăткăсси — ансатрах.
Сивлеместĕп эп ку ултава.
Вăл пире вăй парать пурăнма...
Пурпĕрех сана, Пурнăç, тавах!
Тата кăшт пурăнасчĕ-ха ман!..
Вилтăпри умĕнче тăнă чух
Урăхла курăнать çут тĕнче:
Пурте пур сан, сан нимĕн те çук.
Пур пекки те — самантлăх кăна.
29.05.2020
20 сехет те 33 минут.