Каçарнă çылăх пек сана савни.
Сывпуллашма манни нимех те мар-тăр.
Çурхи тăман йывăçсене авни
Ан курăнтăр тесе эп карă картăм.
Каçарнă çылăх пек сана савни.
Лăплантăм, кĕтмĕп тек, саваймăп ӳлĕм...
Мĕнне пĕлмесĕрех теме шанни
Йăлт манăçрĕ çак уйăхсăр каçкӳлĕм.
Каçарнă çылăх пек сана савни.
Хам тӳснĕ асапран хамах кулам-и?
Эс ман çинчен аса илме манни —
Савман пекех — ахаллĕхе ăсанĕ.
Каçарнă çылăх пек сана савни...