Çук, вилмест нихçан чĕрери юрату.
Вăй-хăват çуратать пурнăçра сан яту.
Вăл тумхахлă куна çĕнтерме хал парать,
Чун çунатлăн вĕçсе тӳпене хăпарать.
Пурнăçра вăл пулсан — иртет ĕмĕр кал-кал.
Мĕн чухлĕ юратан — çавăн чухлĕ сахал.
Çынна мулшăн туман — çыншăн тунă мула.
Юрату та çавах — чĕрчунпа тан пулать.
Хăш чухне ăссăрла хăтланатпăр пулсан,
Чăнлăхран пăрăнса куç хупса утайсан
Чĕрери юрату ӳкĕнме сăлтав мар,
Юрату та яваплăх — ялан юнашар.