«У вези меня за горизонт!»
Марина Цветаева
Çĕрпе пĕлĕт пĕрлешне енне
Вĕçсе çитĕттĕм, касăттăм алăк.
Илсе кай горизонт леш енне,
Илсе кай, унта урăх çанталăк!
Çăлăнасчĕ çак ирсĕр çĕртен,
Чунсене çăтмахра тасатасчĕ.
Çĕнĕ пурнăç туса кĕçĕртен,
Пирĕшти пек таса пурăнасчĕ...
Кăлăхах йăлăнатăп иккен.
Тӳпене çĕкленмешкĕн пире
Пӳрменех-тĕр телей кӳрекен:
Этемсем пурăнаççĕ пĕрле.