Çил-тăман вĕçтерет,
Чĕрене хĕстерет,
Ырра мар ку. Сисетĕп, сисетĕп...
Чун вĕрет. Пĕçертет.
Вăйăм çук. Пĕтерет.
Хамран-хамах çапла эп писетĕп.
Сивĕнет вĕри юн.
Кĕскелет шутлă кун.
Çав-çавах пурнăçа ăмсанатăп.
Эс ăçта, çамрăк чун?
Пулнă! Пулнă! Ан тун!
Юлашки хевтене хапсăнатăп.
Çил-тăман вĕçтерет,
Усала систерет.
Эх! Пурнасчĕ, пурнасчĕ, пурнасчĕ..
Çук. Чĕрем хĕстерет,
Вăхăта виçтерет,
Тӳперен Çĕр çине ман анасчĕ.