Паян пирĕн, тăван, кĕмĕл туй,
Чĕрек ĕмĕр пĕрле пурăнса
Ватăлтăмăр тесе эс ан туй,
Пурнăç пырĕ татах та ăнса.
Ылтăн çĕрĕ çумне кĕмĕлли
Тăхăнтартрăн мана эс, савни.
Ылтăн çĕрĕ тата кĕмĕлли —
Чĕрĕк ĕмĕр пурăнăç ани.
Савнă мăшăр, савниех юлан
Ĕмĕрти пур туйсем иртиччен.
Эсĕ — манăн, манăнах пулан,
Çăтмахра та эс пулмăн пĕччен.
Паян пирĕн, тăван, кĕмĕл туй,
Кĕл чечек çеçкине сапала.
Юратмастăп тесе эс ун суй,
Ватăлатпăр тесе ан кала...