Николай шăллăмăн тăпри çинче
Сан канăçа сыхлать кĕреш юман.
Сана савса сар кайăксем юрлаççĕ.
Тек хурланмашкăн нимĕн те юлман.
Ĕç-пуçĕ те анра-сухралăх влаçĕ...
Никам та тĕкĕнмест сан пурнăçа.
Пырса чăрмантармастăн никама та.
Çак картара эс ĕмĕрлăх хуçа,
Мĕн чухлĕ кирлĕ — çавăн чул канатăн.
Йывăр тăпру çăп-çăмал пултăр сан.
Мăн тăвăн, çавăн пек этем шăпи.
Пурăннă чух та кирлĕ мар пулсан
Вилсе выртсассăн кирлĕ пулăн-и?..
Çĕртме, 28, 1997.