Кĕрех, кĕрех,
килех, тĕпелелле иртех.
Кĕпи — кĕрен.
Вăрман
кĕрен — октябрьте!
Эй, кĕркунне!
Мартра килсе эс ман пата
кунне-çĕрне
пăтратăп терĕн-им тата!
Пăтрат, васка,
тустар,
шикленмĕп тăвăлран.
Чунри каска
пĕр хускалсан, тен, çăмăлрах!..
Тен эс çĕрле
сĕм вăрмана тухса утма
чĕнен хĕрле
пăшăлтатасшăн пуль: «Ух-мах».
Йăлт сан пекех
пуçне çухатнă юрату.
Каях, пике,
мĕн парĕ санăн пĕр яту!..