Мухтанчăклăх пирки шутла эс чир тесе,
Чăнах чирлеттерет вăл сан патна килсе.
Пылак эрех сыпса, пуçна кăшт минретсе,
Мухтанчăклăх чирлеттерет хăй ытамне илсе.
Çулу çинчи кашни çынра эс туслăх ан шыра,
Чăн-чăн тусна çухатăн çавă шыравра.
Ĕнер мĕн пулнине пĕччен чух аса ил,
Инçе çула кайсан, таса чунпа эс килне кил.
Чăн-чăн тусу кĕтет сана хăв килӳнте кăна,
Усал сăмахпала, тăван, ан кӳрентер ăна.
Хăв мухтанма пĕлнипеле ан курнăçлан,
Тусу ялан таса чунпа пулнипеле мухтан.