Аваллăхра пуласлăх эп шырарăм,
Аваллăх çулĕ — кукăр, тӳрĕ мар.
Пĕрле утма юлташ эп тупаймарăм,
Никам пулмарĕ, курăр, юнашар.
Аваллăхăн çулне эп пурпĕр тупрăм
Паттăрсемпе туслашрăм çула май.
Çул йывăр пулчĕ, пурпĕрех эп утрăм
Пуласлăх йĕрĕ тупрăм пит нумай.
Çав йĕрсемпе кайма тӳрех эп чĕнтĕм
Анчах каймарĕç унпала çынсем.
Пĕччен кăна пуласлăха эп кĕтĕм,
Унта эп тупрăм çĕнĕ юлташсем.
Çав туссемпе аваллăха тĕпчетпĕр,
Кĕпер хыватпăр аслă çул çинче.
Чăвашсене хамăрпала чĕнетпĕр,
Халь пирĕнпе утать мĕнпур тĕнче.
21.02.07.