Кĕтӳ анать,
Çын хумханать,
Тухать вăл урама.
Куçне хĕссе
Пăхса сăнать
Таврăннине ума
Ĕни-пушмакĕ ун хиртен,
Е сурăх-качаки.
Киле килсен
Вĕсем пурте
Ак, хĕпĕртет хайхи!
Хĕвел анать,
Яш савăнать.
Утать вăл клуб енне.
Чĕри тапать ун,
Пăлханать
Курсассăн савнине.
Клуб уçăлать,
Çынпа тулать:
Яш-кĕрĕм пухăнать,
Кĕпĕрленсе
Юрлать, ташлать.
Çак кирлĕ çеç ăна!
Клуб хупăнать
Те пушанать
Унти çамрăксенчен.
Вара-çке юрă шăранать
Ял çийĕн мĕн ирччен.