Паркра чухне, пĕррехинче,
Тĕмсем енчен илтетĕп сасă:
– Тухсассăн çакăнтан эп сансăр
Манран халь кулĕ çут тĕнче.
Çак ĕç пулман пек пытарса
Киле мĕнле питпе эп кайăп?
Çук, çук, хамрах…
хамрах пур айăп…
Атя, каяр…каяр тăрса…
Тăнлатăп тĕм енчи сасса,
Хам тавралла пăхса илетĕп:
Хуть çылăх пултăр, иçмасса,
Камсем мĕн тунине пĕлетĕп!
Хуллен, хуллен утса пыратăп,
Сиретĕп шăппăн пĕр тĕмне:
Ак, тĕлĕнтермĕш!
Мĕн куратăп!
Ача-мĕн çурнă хăй йĕмне…