Утма çулăм авкаланчăк,
Çип çăмхи пек тăсăлать.
Çулăн çаврăмĕ пытанчăк,
Хăш çĕрте-ши татăлать?
Ӳкессе пĕлес пулсассăн,
Сарнă пулăттăм тӳшек,
Çапларах килет калассăм,
Курăнсан куçа тӳпе...
Кукăр-макăр çул тумхахлă,
Сисме çук — такăнтарать.
Пурăнăç виçесĕр хаклă:
Ирекре, хăть тыткăнра...
Уйăрать пире самантлăх:
Паян пур та — ыран çук...
Пур-ха хальлĕхе утмалăх,
Малаллах чĕнет кун-çул.
Утма çулăм авкаланчăк,
Çип çăмхи пек тăсăлать.
Çулăн çаврăмĕ пытанчăк,
Хăш çĕрте-ши татăлать?